6 Or adueint comme ils estoyẽt là, que les iours d'icelle furent accõplis pour enfanter.

7 Et enfanta son fils premier nay,& l'enueloppa de bandelettes,& le coucha en vne creche, a cause qu'il n'y auoit point de lieu pour eux en l'hostellerie.

8 Or en la mesme contree il y auoit des Pasteurs demourans aux champs, & gardans les veilles de la nuit sur leur troupeau.

9 Et voyci l'Ange du Seigneur qui s'arresta aupres d'eux, & la clarte du Seigneur resplendit autour d'eux: & craignirent de grand'crainte.

10 Lors l'Ange leur dit, Ne craignez point:car voyci,ie vous annonce grand ioye, laquelle sera a tout le peuple:

11 C'est qu'auiourd'huy nous est nay le Sauueur, qui est Christ le Seigneur, en la ville de Dauid.

12 Et aurez ce signe , Vous trouuerez l'enfant enueloppé de bandelettes, lettes & mis en vne creche.

13. Et incontinẽt auec l'Ange fut vne multitude de cheualerie celeste, louans Dieu, & disans,

14 Gloire soit a Dieu és lieux tres hauts,& en terre paix aux hommes: bonne volonte.

NOVS scauons que tout nostre bien, nostre ioye & repos c'est d'estre conioints auec le Fils de Dieu, cõme il est nostre chef, nous sommes son corps:& c'est aussi de luy que nous tenõs nostre vie & nostre salut,& tout biẽ. Et de faict, nous voyons cõbiẽ nostre condition seroit miserable , sinon que nous eussiõs nostre refuge a luy, pour estre maintenus sous sa garde . Or cependant il n'est pas en no9 de pouuoir paruenir si haut (veu qu'a grand'peine pouuõs-nous rãper sur la terre )sinon que de son costé il approchast de no9 , & que desia il s'en fust approché en sa naissance, quand il a vestu nostre chair,& qu'il s'est fait nostre frere. No9 ne pourriõs dõc maĩtenãt auoir nostre refuge a nostre Seigneur Ies9 Christ estãt assis a la dextre de Dieu son Pere, en la gloire des cieux , sinõ ꝗl se fust abbaissé iusques là de se faire hõme mortel,& auoir vne cõdition cõmune avec no9. Et voyla pourquoy aussi 1. Tim.2.a.5. quand il est appelé Mediateur entre Dieu & les hommes,ce titre d'homme luy est specialement attribué:cõme aussi par vne mesme Isa. 7. c. 14. raison il est appelé Emmanuel,c'est a dire Mat.1.d.23. Dieu auec nous. Ainsi toutes fois & quãtes que nous auons a chercher nostre Seigneur Iesus Christ,pour trouuer en luy allegemẽt de toutes nos miseres, & vne protection seure & infalible , il nous faut commẽcer par sa naissance. Or non seulemẽt il nous est yci recité qu'il a este fait homme semblable a nous, mais qu'il s'est tellemẽt aneanti, qu'a grãd'peine a-il este reputé du rang des hõmes. Il a este cõme bãni de tout logis & compagnie, il n'y a eu sinõ vne estable & vne creche pour le receuoir. Puis qu'ainsi est donc, qu'yci nous cognoissions cõme Dieu a desployé les thresors infinis de sa bõte,quãd il a voulu que son Fils fust ainsi humilié pour nous.Recognoissõs aussi cõme nostre Seigneur Iesus Christ dés sa naissance a tellemẽt souffert pour nous,que toutes fois & quãtes que nous le cherchõs, il ne faut point que nous facions des longs circuits pour le trouuer,ne pour estre vrayement vnis a luy: car pour ceste cause il s'est voulu assuietir a tout opprobre, en sorte qu'il a este cõme reietté du reste des hõmes. Mais cependant apprenons aussi d'estre petis pour estre receus de luy:car c'est biẽ raison pour le moins, qu'il y ait cõformité entre tre le le chef & les membres. Il ne faut point que les hommes s'aneãtissent pour estre de nulle valeur:car de nature desia ils trouuerõt tãt de pouretez en eux, qu'ils aurõt biẽ occasion d'estre du tout abbatus. Mais cognoissons- nous tels que nous sommes, afin de no9 offrir a nostre Seigneur Iesus Christ en vraye humilite, & qu'il nous recognoisse & aduoue comme siens.Cependant aussi nous auons a noter qu'en l'histoire que recite yci S.Luc, d'vn costé nous apprendrõs cõme le Fils de Dieu s'est du tout aneanti pour nostre salut:& neãtmoins que d'autre part il n'a pas laissé d'auoir certain tesmoignage & infalible qu'il estoit le Redempteur du monde promis de tout temps: mesmes que ce qu'il auoit prins nostre cõditiõ, n'estoit pas qu'il ne peust maintenir sa maieste celeste. Tous les deux donc nous sont yci mõstrez:car nostre Seigneur Ies9 Christ est là en vne creche,& il est comme reietté du mõde,il est en pourete extreme sans aucun honneur, sans aucune reputation,cõme suiet a seruitude:toutesfois il est magnifié des Anges de Paradis, lesquels luy font hõmage. Et en premier lieu vn Ange porte le message de sa naissance: mais puis apres cestuy la est accompagné d'vne grande multitude, voire d'vne armee,lesquels assistent tous & cõparoissent comme tesmoins enuoyez de Dieu, pour monstrer que nostre Seigneur Ies9 Christ estãt aĩsi abbaissé pour le salut des hommes, ne laisse pas tousiours d'estre le Roy de tout le monde, & d'auoir tout sous sõ empire.Et puis le lieu de Beth- lehem dõne approbatiõ qu'il est celuy qui auoit este promis de tout tẽps. Car le Prophete Mich.5. a. 2 Michee en auoit ainsi parlé : Et toy Beth-lehẽ cõbien que tu sois en grãd mespris, comme vne bourgade qui n'est pas de grãd'monstre,& qui n'est pas fort peuplee, si est ce q͂ de toy me sortira celuy qui doit gouuerner mon peuple: & ses issues seront de toute eternite. Nous voyõs dõc yci d'vn costé cõment nostre Seigneur Iesus Christ ne s'y est poĩt espargné, afin que nous ayons acces facile a luy,& que no9 ne doutiõs pas d'estre receus cõme son corps mesmes,puis que nõ seulemẽt il a voulu estre hõme mortel, vestu de nostre nature: mais comme vn poure ver de terre, desnué de tout bien. Ne doutõs point donc que tousiours, quelques miserables que no9 soyons, il nous tiendra pour ses mẽbres. Mais d'autre costé nous le voyõs yci marqué cõme de la maĩ de Dieu, afin qu'il soit receu sans aucune difficulte, cõme celuy duquel il nous faloit attendre salut, & par lequel nous sommes receus au Royaume de Dieu, dont nous estiõs au parauant bãnis. Car nous voyõs qu'il ha en soy vne maieste Diuine, puis que les Anges le recognoissent comme leur superieur & leur Roy souuerain : & ne deuons point douter quãd no9 serons sous sa garde, qu'il n'ait de quoy pour nous maintenir. Et cognoissons cepẽdãt q͂ ce ꝗl s'est ainsi abbaissé, cela nee derogue point en nulle façõ a sa vertu Diuine, & n'empesche pas que nous ne soyõs seurement sous sa cõduite. Or maintenant no9 voyõs quelle est la sõme de ceste histoire: c'est en premier lieu q͂ no9 cognoissions que le Fils de Dieu, voire nostre Mediateur, s'est cõioint a no9 d'vn lien tel, qu'il ne faut pas q͂ nous doutions que tousiours nous ne soyons participans & de sa vie & de toutes ses richesses. Et cependãt cognoissons aussi qu'il no9 a apporté auec soy tout ce qui estoit requis a nostre salut. Car (cõme desia no9 auõs dit) il n'a pas tellemẽt este aneanti, q͂ tousiours il n'ait retenu sa maieste Diuine: & cõbien q͂ deuãt les hõmes il ait este tenu de nulle reputatiõ, si est-ce toutesfois qu'il est demeuré tousiours nõ seulemẽt heritier de ce mõde, (entãt qu'il est le chef de l'Eglise) mais aussi tousiours vray Dieu. Au reste, apprenõs de ceux qui no9 sont yci ordõnez pour maistres & cõducteurs,cõme il no9 faut venir a nostre Seigneur Ies9 Christ. Vray est q͂ les sages de ce mõde sõt tellemẽt enflez de fierte & de presomptiõ, qu'a grãd peine daignerõt-ils estre escholiers de gẽs idiots,& de poures bergers des chãps:mais c'est toute nostre sagesse neãmoins q͂ nous apprenions de ces bergers ( desquels il est yci parlé) de venir a nostre Seigneur Iesus Christ:car que nous ayons toutes les sciences du monde fourrees en la teste, de quoy nous seruira-il quand la vie nous defaut? asçauoir celuy auquel les thresors de toutes Colos. 2. a. 3 sagesse sont cachez, comme sainct Paul en parle . Voyla donc par quel bout il nous conuient commencer : c'est qu'il ne nous face point mal de suyure ceux qui nous ont monstré le chemin pour paruenir a nostre Seigneur Iesus Christ. Or Dieu n'a point fait cest honneur aux grans de ce monde, ni aux sages, ni aux riches, ou aux nobles : mais il a choisi des bergers . Puis qu'ainsi est dõc, suyuõs cest ordre-la. Vray Mat. 2. a. 1. est que les Sages sont venus d'Oriẽt pour rendre l'hommage a nostre Seigneur Iesus Christ:mais il a fallu que les bergers commençassent, afin que toute presomptiõ fust 1. Cor. 3. d. 18 abolie, & que celuy q͂ voudra estre reputé Chrestien, soit cõme fol en ce mõde. Ainsi que nous n'apportions point vne folle outrecuidance pour iuger a nostre fãtasie des secrets admirables de Dieu:mais que nous les adoriõs en toute simplicite.Et au reste, regardons la foy qui a este en ces bergers, & alors nous ne ferons plus difficulté de les suyure. Ils vienent adorer le Redẽpteur du monde: & en quel estat le trouuent-ils? Le voyla couché en vne creche, & enuelopé de quelques petis drapeaux: & c'est le signe qui qui leur auoit este donné par l'Ange.Or il sẽbloit bien que cela fust pour les estõner, & mesmes pour leur faire tourner le dos, tellement qu'ils ne recognussent plus Iesus Christ pour leur Sauueur.Car les Scribes & Docteurs des Iuifs pensoyent bien que le Redempteur qui auoit este promis, deust venir en grãd põpe, & qu'il se deust assuietir tout le mõde,en sorte qu'il n'y auroit que prosperite, qu'ils auroyẽt des biẽs a force pour se souler,& amasseroyẽt toutes les richesses du monde. Voyla donc vn scãdale qui pouuoit faire perdre courage a ces poures gens, tellemẽt que iamais ne fussẽt ven9 a nostre Seigneur Ies9 Christ,mais pl9tost s'en fussẽt du tout alienez, quãd il leur est dit qu'ils le trouuerõt en vne estable, & enueloppé de lambeaux. Voila le signe q͂ leur est donné du Redempteur, c'est qu'il sera mis en vne creche comme s'il estoit retranché du rang des hõmes. Tant y a neãtmoins que cela ne les destourne point. Ils vienent donc le cognoistre cõme Seigneur, confessans comme Dieu a eu pitie d'eux, & qu'en la fin il a voulu accomplir sa promesse qu'il auoit donnee de tout temps, & se conferment en vn tel spectacle. Puis que ainsi est donc que la foy de ces bergers a este si grande,qu'elle a combatu contre tout ce qui les pouuoit destourner de venir a nostre Seigneur Iesus Christ, nous serons coulpables au double & desnuez de toute excuse, sinõ que nous appreniõs en leur eschole: & que la naissãce de nostre Seigneur Iesus Christ (combiẽ qu'il n'y apparoisse aucune dignite, ou pompe, ou noblesse de ce monde) ne soit point vn scandale pour nous arrester , ou pour nous faire diuertir du bon chemin , que nous ne venions nous rẽdre a luy comme a nostre Roy souuerain, & a celuy auquel tout empire est donné & au ciel & en la terre.Et de faict,nous auons besoin d'vne telle admonition:car,comme i'ay desia touché, la doctrine de l'Euangile n'emporte que scãdale a ceux qui sont preoccupez de fierte & folie, & qui se reputẽt sages. Nous voyõs aussi comme beaucoup de phantastiques reiettẽt tout ce qui est cõtraire a leur cerueau. Il y en a d'autre part beaucoup de mocqueurs, qui n'ont iamais este touchez d'aucun sentimẽt de leurs pechez: & pource qu'ils sõt gẽs profanes,qui ne pensent iamais venir a cõte,& ne scauẽt s'il y a vne vie meilleure que celle qu'ils voyent yci bas, ils estimẽt que ce n'est que simplesse de suyure ainsi le Fils de Dieu,& s'accointer a luy. Voyãs donc cela,tãt plus deuõs-nous estre munis de cest aduertissement, c'est ascauoir que le Fils de Dieu ne perde riẽ de sa maiesté & de sa gloire,& que il n'est pas amoindri, en ce qu'il s'est humilié pour nostre salut:mais plustost qu'en cela nous deuons estre rauis, cognoissans sa bõte inestimable & l'amour qu'il no9 a portee. Voyla donc comme il nous faut prattiquer ceste doctrine, que nous ne laissions pas de venir a nostre Seigneur Iesus Christ, combien que nous ne trouuions de prime face en luy ce que nostre chair , c'est a dire nostre sens naturel, appete. Mais combien qu'il ait este enueloppé de drapeaux en sa naissance,qu'il ait este ietté là en la creche, scachõs& soyõs resolus qu'il n'a pas laissé toutesfois d'estre Mediateur pour no9 attirer a Dieu son Pere,pour nous donner ouuerture au Royaume des cieux,duquel no9 estions du tout forclos.Et auiourd'huy encores, combien qu'il ne regne pas en pompe, & que son Eglise soit mesprisée,qu'il y ait vne simplicite en sa Parolle laquelle les grans de ce mõde reiettent:quant a nous ne laissons pas pour cela de tousiours nous tenir a luy, & nous assuiettir a son empire, en vne vraye obeissance de foy.Pour exemple, quand on preschera, ce n'est pas vne chose pour nous attirer beaucoup selon nostre coustume. Nous orrons vn homme parler: & qui est-il?Il ne sera point de grãde dignite & reputatiõ: & puis en sõme il n'y a que la parolle: d'autre costé en ce q͂ est presché par l'Euãgile il y a beaucoup de choses qui nous sembleront cõtre toute raison, quand nous en voudrõs iuger a nostre appetit. Ainsi cognoissons que nous ne pourrions pas nous ranger a ce que Dieu nous monstre & declare , sinon que nous soyons abbatus en premier lieu. Quant est de la confirmation qu'il nous a adioustee a sa Parolle, nous auons les Sacremens . Et vne goutte d'eau nous suffira-elle pour nous asseurer de la remission de nos pechez,& que Dieu nous a adoptez pour ses enfans , & que si nous sommes caduques & fragiles, toutesfois nous serons reuestus de sa gloire celeste, qui iamais ne defaudra?Pourrons-nous prendre vn gage & seureté de choses si grandes & si excellentes en vn peu d'eau? En la saincte Cene vn morceau de pain, & vne goutte de vin suffiront-ils pour nous asseurer que Dieu nous aduouë pour ses enfans, que nous viuons en Iesus Christ , & qu'il n'ha riẽ de separé d'auec no9?Car plustost il sẽble que ce soit chose de neant,que telles ceremonies qui n'ont point de grande pompe. Ainsi dõc nous voyons encores mieux que ce qui est yci recité des Pasteurs nous appartient,& que nous auons auiourd'huy a en faire nostre profit: c'est ascauoir que no9 ne laissiõs pas d'approcher de nostre Seigneur Iesus Christ, & d'estre asseurez que c'est luy auquel nous trouuerons tout biẽ, toute resiouissãce & toute gloire, cõbien qu'il sẽble qu'il soit encores cõme en l'estable & en la creche ẽueloppé de drapeaux: c'est à dire qu'il y ait beaucoup de choses q͂ no9 pourroyẽt desbaucher,& pour le moins esblouir les yeux pour n'apperceuoir poĩt la gloire celeste q͂ luy a esté dõnee de Dieu sõ Pere: ie di mesme en ceste nature humaine qu'il a prise de nous. Car entãt q͂ l est Dieu,il ha tout de soy mesme,( cõme il en est parlé au 17 chap. de S. Iehan) mais selõ son humanite il a receu de don gratuit tout ce qu'il nous a apporté, afin que nous puissions de sa plenitude, & que nous trouuions Ieh.1. b.16 en luy tout ce qui est desirable, & ayons tout nostre repos & contentement en luy seul. Or au reste notons bien que le S. Esprit nous a aussi voulu asseurer, qu'en ensuyuãt les pasteurs qui nous sont yci ordõnez pour maistres & pour guides,nous ne deuons point craindre de faillir. Car si les pasteurs n'eussent eu autre chose pour signe que l'estable & la creche,no9 pourriõs dire, Voila des poures idiots qui se sont fait acroire follement & sans aucune raison,que c'estoit le Redempteur du monde:& cepẽdãt ce seroit vne trop grãde facilite a nous. Nous pourrions donc estre en doute: mais les bergers ont este cõfirmez d'autre part, pour auoir certitude que c'estoit le Fils de Dieu, celuy qui estoit ainsi couché en la creche: c'est a scauoir quãd l'Ange leur est apparu, & puis qu'ils ont ouy ce cãtique que S. Luc adiouste,là où tout le Royaume des cieux rend tesmoignage a nostre Seigneur Ies9 Christ, qu'il ha toute puissance sur les creatures tant du ciel cõme de la terre. Apprenons donc de receuoir ( pour estre asseurez en la foy de Iesus Christ ) tout ce qui nous est yci proposé. Car il est certain que Dieu a voulu conuaincre d'ingratitude tous ceux qui auiourd'huy ne daignẽt faire hommage a son Fils vnique, quand il a enuoyé vne telle multitude d'Anges pour declarer qu'il estoit le Redempteur qui auoit este promis.Nous auõs dõc beau nous plaire en nostre incredulite: cõme nous en voyons beaucoup de gens stupides, qui ne tienent conte de tout ce qui est contenu en l'Euangile. Il y a mesme des mocqueurs de Dieu qui s'anonchalissent tellemẽt, que ce leur est tout vn de ce qu'on leur preschera, il n'en tienẽt conte nõ plus que de fables. Or il y a aussi dequoy pour cõuaĩcre d'vne rebelliõ obstinee & diabolique, tous ceux qui ne s'assuietissẽt a nostre Seigneur Iesus Christ, pour luy faire hõmage. Car autant qu'il y a d'incredules, ils auront vne multitude infinie d'Anges de paradis , qui tesmoignera a l'encõtre d'eux: car ce sont les ministres de la verite de Dieu. Ainsi donc que tous meschãs, & tous ceux qui sõt confits en leurs vices & corruptiõs se plaisẽt& s'endurcissẽt tãt qu'ils voudrõt en leur incredulite, ils ont des tesmoins par trop suffisans pour ratifier leur condamnation.Car les Anges de paradis sont apparus afin que il n'y ait plus d'excuse, quãd nous ne receueronsreceurons Iesus Christ pour nostre Roy souuerain, no9 humilians sous sa maiesté. Mais cepẽdãt pendant notõs de nostre costé que Dieu a procuré nostre salut quand il a enuoyé vne telle multitude d'Anges, afin q͂ nous puissiõs venir a nostre Seigneur Iesus Christ d'vn courage alegre,& que nous ne soyons plus en dispute ni en scrupule:mais que no9 soyons plenemẽt resolus, que nous trouuerõs en luy tout ce qui no9 fait defaut, & qu'il aura de quoy pour suppleer à toutes nos pouretez & miseres: brief,que c'est celuy par lequel Dieu s'est voulu cõmuniquer a nous. Et voulons-nous chercher nostre vie sinon en Dieu?Or il y a toute plenitude de Diuinite en nostre Seigneur Iesus Christ. Quãd Colos. 2. b.9. dõc nous auõs vn tel tesmoignage,c'est autant comme si Dieu estẽdoit ses deux bras pour no9 faire sẽtir sa bõte inestimable: & monstrer que seulement, quand nous aurõs la foy en Iesus Christ,( ie di vne foy sãs hypocrisie ) nous appuyãs plenement en luy, cognoissãs que c'est de luy qu'il nous faut tout tenir, alors nous serons participans de tous les biẽs lesquels nous defaillẽt, & desquels no9 sõmes affamez. Et au reste, cõbiẽ qu'auiourd'huy nous ne voyõs poĩt les Anges q͂ sõt apparus pour vn coup seulemẽt, si est-ce que ce tesmoignage est enregistré, afin d'estre autentique. Car le sainct Esprit a parlé par la bouche de S. Luc. Contentons-nous donc d'auoir vn tel tesmoin de Dieu , qui nous declare que les Anges ont rendu tesmoignage de la naissance de nostre Seigneur Iesus Christ, afin que cognoissans cõme il a este fait homme, voire qu'il s'est aneanti pour nous, nous soyons rauis pour aspirer au Royaume des cieux,afin de adherer a luy en vray vniõ de foy. Or il y a puis apres a cõsiderer le lieu de sa naissance, c'est ascauoir Beth-lehẽ.Et ceci n'est pas vne petit cõfirmation ni legere, quãd no9 voyõs que le Fils de Dieu a este nay, cõme si long temps au parauãt le Prophete en auoit fait mẽtion. Si Ioseph & Marie eussẽt eu leur domicile en Beth-lehẽ, & y eussent fait residence, cela n'eust point esté trouué estrãge qu'elle y fust accouchee,& que Ies9 Christ y fust nay:mais ce q͂ no9 doit auiourd'huy seruir eust este obscurci de beaucoup: car on n'eust poĩt cognu que nõ sans cause le Prophete auoit dit, Toy Beth-lehẽ,combiẽ que tu sois auiourd'huy mesprisee cõme vne petite bourgade,si est-ce que tu produiras celuy q͂ doit estre le chef de mon peuple. Mais quand Ioseph & Marie sont demeurans en Nazareth, & qu'ils vienẽt en la ville de Beth-lehẽ sur le terme qu'elle doit accoucher, & que Iesus Christ est là nay, qui ne verra que Dieu a conduit le tout par sa main?Il faut donc que les hõmes se creuent les yeux a leur esciẽt & d'vne certaine malice, quand ils ne voudrõt yci cognoistre l'ouurage de Dieu,lequel a marqué son Fils vnique, que afin qu'on le peust receuoir sãs aucune doute, comme celuy qui auoit este promis. Vray est qu'il y a bien eu occasion de faire venir Ioseph en Beth-lehẽ, c'est ascauoir l'edict publié de la part de l'Empereur Romain: mais d'amener là vne fẽme enceinte & a son terme, il est certain que cela ne s'est point gouuerné par l'homme, & que Dieu y a besongné. Et mesmes nous voyons cõme Dieu vse de façons estranges pour accomplir sa volõte. Car cest esdict de Cesar qu'emportoit-il sinõ vne suietion tyrãnique, qu'il faloit q͂ le peuple des Iuifs fust lors taillé, qu'il y eust tribut sur chacune personne : qui estoit pour leur monstrer qu'il ne faloit plus qu'ils attendissent aucune liberte. Iesus Christ estoit promis pour deliurer les Iuifs & tous fideles de la suietion de Satan , & de toute tyrannie: il semble q͂ cest edict soit pour clorre la porte, que iamais Dieu n'accomplisse ce qu'il auoit promis a son peuple:& toutesfois c'est le moyen de l'accomplir. Car quand Ioseph & Marie vienent comme poures gens asseruis a vn tyran, a vn payen & incredule, voyla comme Iesus Christ est nay en Beth-lehem, la Prophetie se monstre estre veritable. Et Dieu ( comme i'ay dit ) baille yci plene certitude a tous les siens, qu'il ne faut pas qu'ils doutent de la naissãce de nostre Seigneur Iesus Christ. Voyla donc comme il nous faut appliquer a nostre vsage & instructiõ les choses qui nous sont yci recitees . Car ce n'a pas esté l'intẽtion de sainct Luc , ou plustost du sainct Esprit qui a parlé par sa bouche, de nous escrire simplement vne histoire de ce qui estoit aduenu: mais il nous a yci exprimé d'vn costé comme le Fils de Dieu ne s'est point espargné pour nous : puis de l'autre commẽt il a apporté tesmoignage infalible qu'il estoit le Redempteur, afin qu'on le reçoyue pour tel. Or cependant auisons de faire nostre profit de ceste histoire, tellement que nous puissions accorder au cãtique des Anges en glorifiant Dieu, & receuoir aussi ce qu'il nous donne yci pour esiouissance de nos ames. En premier lieu l'Ange dit ( a scauoir celuy qui a porté le message aux bergers ) NE CRAIGNEZ POINT, IE VOVS ANNONCE VNE GRANDE IOYE. Et puis il y a ce tesmoignage commun de toute l'armee que Dieu enuoye, PAIX EN TERRE AVX HOMMES. Voyla dõc ce que nous auõs a retenir en premier lieu, c'est q͂ nous cherchiõs nostre ioye en Iesus Christ.Car de fait quãd nous auriõs toutes delices & voluptez , il ne seroit question que de nous baigner en tous plaisirs: si est-ce que si nous ne sõmes pas trop endormis, voire stupides du tout,nostre cõsciẽce n'aura iamais repos: nous serons tormẽtez sans fin & sans cesse: ce ver (dont parle l'Escriture) nous rongera, nous serons redarguez de nos pechez, & nous sentirons qu'a bon droict Dieu nous est cõtraire & ennemi.Et ainsi malheur sur toutes les reiouissances du monde, d'autant qu'elles seront cõverties en grincemẽt de dẽts, iusques a ce que les hommes soyent appointez auec Dieu. Maudites dõc soyent toutes resiouissances, tous honneurs,toutes choses desirables,iusques a tant que nous sentiõs que Dieu nous reçoit a merci: & qu'estans ainsi recõciliez auec luy, no9 puissiõs no9 esiouir: voire nõ pas d'vne ioye terrestre , mais de celle qui notamment nous est promise au sainct Esprit, afin que nous la cherchiõs en luy. Or ce sõt choses inseparables que la paix & la ioye. Car cõment nous voyãs enuirõnez de tãt de miseres, auõs-nous de quoy nous esiouir? Et puis, voyãs que nous sommes maudits en Adã, que nous sommes enfans d'ire, que Dieu estant nostre iuge est armé de vẽgeance pour nous abysmer, quelle ioye pourrons-nous conceuoir estãs en tel estat? Certes quãd nous y pensons,non seulemẽt il faut que nous soyons accablez d'inquietude: mais en vne gehẽne horrible,& q͂ surmõte toutes les angoisses de ce mõde:voire sinõ que le diable no9 ait ensorcelez:cõme nous en voyõs beaucoup qui ne laissẽt pas de s'esgayer, cõbien qu'ils facent la guerre a Dieu.Mais si nous auons vne seule goutte de sentiment en nous, il est certain que nous serons tousiours en torment , iusques a ce que Dieu nous soit declaré propice. Il faut donc que ceste paix precede, que nous scachiõs que Dieu nous aduoue pour ses enfans, voire d'autant qu'il ne nous impute point nos pechez. Or sommes-nous ainsi paisibles auec Dieu? Alors nous auons aussi de quoy nous esiouir:voire auec Dieu,suyuant ce que i'ay desia touché.Car les incredules aurõt bien quelq͂ paix:( c'est à dire, ils sont ellement eslourdis qu'il ne leur chaut du iugement de Dieu , mesmes ils le despitent ) mais ce n'est pas auec Dieu.Car iamais ils n'ont paix ni repos sinon quand ils oublient & Dieu & eux-mesmes, & qu'ils sont abbrutis du tout. Mais Rom 5. a. 2. sainct Paul nous exhorte d'auoir paix auec Dieu, c'est à dire de regarder a luy, & cercher comme nous pourriõs estre paisibles: c'est qu'estãs approchez de luy, nous soyõs certains & asseurez de son amour. Et comment cela se fera-il?par la remission de nos pechez , par l'amour gratuite qu'il nous porte en nostre Seigneur Iesus Christ. Or donc notons bien que la paix que preschẽt yci les Anges de Paradis , a apporté ceste ioye , de laquelle le premier Ange auoit fait mẽtion,disant, Ie vo9 annõce vne grãde ioye,c'est le salut que vo9 auez en Iesus Christ. Christ.Il est appelé nostre paix:& ce titre- la declare que nous seriõs alienez du tout de Dieu , sinon qu'il nous receust par le moyen de son Fils vnique. Et puis de là nous auons aussi de quoy nous glorifier, quand Dieu nous aduouë pour ses enfans, qu'il nous donne liberte de le reclamer cõme nostre Pere a plene bouche, de venir franchement à luy , & y auoir nostre refuge. Cependant recueillons de là, que Dieu a tellement ordonné que l'Euãgile se presche par la bouche des hommes,que les Anges ont precedé neantmoins.Auiourd'huy il est vray qu'il faut que l'Eglise soit enseignee par le moyen des creatures mortelles: mais quoy qu'il en soit,nous n'apportons riẽ de nouueau, seulemẽt nous recitõs la predication qui a este faite par les Anges de Paradis: & non pas d'vn petit nombre, mais d'vne multitude infinie,& d'vne grosse armee. Au reste, il ne se peut faire que nous ne soyons enflammez a magnifier nostre Dieu , quand nous serons plenement certifiez de sa bõte.Et voila pourquoy ces deux choses sont coniointes, que les Anges exhortent tout le monde a glorifier Dieu,d'autant qu'il a donné vne telle paix en terre. Nous iouissons donc du bien que Dieu nous a eslargi par le moyen de nostre Seigneur Iesus Christ son Fils vnique. Il a prins la possession de ceste paix, afin que nos louanges montent là haut , & qu'elles percent les nues, & que tout le monde retentisse de ce cantique, c'est a scauoir que Dieu soit benit & magnifié par tout. Or nous auons a recueillir de là,que tousiours nous aurõs la bouche close, & que nous ne pourrõs pas louer Dieu, iusques a ce qu'il nous ait fait sentir sa bonte.Car de fait cõment les poures pecheurs,cependant qu'ils ont des remords & troubles en eux-mesmes, qu'ils ne scauent si Dieu les aime ou les hait,pourront-ils benir son nom?Mais au contraire l'angoisse les tiendra comme enserrez , qu'ils ne pourront pas ouurir nullement la bouche. Il faut donc qu'en premier lieu Dieu nous ait testifié a bon escient l'amour qu'il nous porte,tellemẽt que nous soyõs resolus qu'il nous sera tousiours Pere: & alors no9 aurõs aussi de quoy benir son nom. Mais comme nous ne pouuons louer Dieu iusques a ce qu'il nous ait declaré sa bonte, aussi apprenons de n'auoir point vne foy morte ou oisiue : mais que nous soyons incitez a benir le nom de Dieu,quand nous voyons qu'il a ainsi desployé les grans thresors de sa misericorde enuers nous: & que la bouche face son office d'vn costé, & puis que toute nostre vie responde. Car voila le vray cantique, c'est qu'vn chacun se dedie au seruice de Dieu Dieu , cognoissant que puis qu'il nous a acquis si cherement , c'est bien raison que toutes nos pensees & nos œuures soyent appliquees a cest vsage-la, que son nom soit benit.Et que quand nous cognoistrons que vrayement nous sommes siens, nous scachions que c'est d'autãt qu'il luy a pleu de nous accepter a soy,& q͂ le tout procede de sa bonte gratuite. Et ainsi non sans cause ce mot est adiousté, que LA PAIX est donnee aux hommes : non pas pour aucun merite , non pas qu'ils l'ayent acquise, mais par le bon plaisir de Dieu.Car le mot dont vse sainct Luc emporte cela , qu'il ne faut chercher autre raison pourquoy nostre Seigneur Iesus Christ nous est apparu, sinon d'autant que Dieu a eu pitie & compassion de nos miseres. Comme aussi il est dit au troisieme chapitre de sainct Iehan b. 16, que Dieu a tant aimé le monde , qu'il n'a point espargné son propre Fils , mais l'a liuré a la mort pour nous. Apprenons doncques de venir a nostre Seigneur Iesus Christ en telle sorte : c'est a scauoir que le message qui nous est yci publié par les Anges,nous soit comme vne lampe ardente pour nous monstrer le chemin, que la foy nous conduise, & que nous scachions qu'il est maintenant Dieu en nous, d'autãt qu'il est Dieu auec nous.Il s'est declaré nostre Dieu auec nous ( comme i'ay dit) quand il a voulu habiter en nostre nature humaine cõme en son temple : mais maintenant il est Dieu en nous, c'est a dire que nous le sentons conioint a nous en plus grande vertu que quand il s'est monstré & declaré hõme mortel.Mesme il est & Dieu & homme en nous.Car premierement par la vertu de son sainct Esprit il nous viuifie: & puis il est homme en nous,d'autant qu'il nous fait participans du sacrifice qu'il a offert pour nostre salut: & nous declare que non sans cause il a prononcé que sa chair Ieh. 6.f.55. estoit vrayement viande, & son sang estoit vrayement bruuage. Et voyla pourquoy aussi la saincte table no9 est apprestee, c'est ascauoir afin que nous cognoissiõs que nostre Seigneur Iesus estant descendu yci bas, & l'estant aneanti du tout, n'est pas pourtant separé d'auec nous, quand il est monté en sa gloire des cieux: mais que plustost c'est a ceste cõdition que nous soyons participãs de son corps& de son sang.Et pourquoy? Car nous scauõs que sa iustice & son obeissance est la satisfaction de nos pechez, & qu'il a appaisé l'ire de Dieu par le sacrifice qu'il a offert de son corps& de son sang en ceste humanite qu'il a prinse de nous. Puis qu'ainsi est donc , que nous ne doutions point quand Iesus Christ nous conuie a ceste table, cõbien que nous n'aperceuiõs perce- que du pain & du vin,que vrayement il n'habite en nous, & que nous ne soyõs tellement conioints a luy qu'il n'ha rien de propre qu'il ne nous vueille communiquer. Que nous cognoissions,di-ie, cela,afin de scauoir faire nostre profit de ce Sacrement qui nous a este establi par luy: & que toutes fois & quantes que nous auons a le receuoir,nous scachiõs que Dieu nous eust biẽ deliurez de l'abysme de condamnation auquel nous estions, par vn autre moyen s'il eust voulu : mais qu'il nous a voulu dõner plus d'asseurãce de l'amour qu'il nous porte, quand nous auons Iesus Christ pour gage , afin que nous cerchions tout nostre bien en luy: que nous cognoissions que nous ne pouuons nous esiouir en façon que ce soit , iusques a ce qu'il nous soit donné là comme au milieu , & qu'il soit tellement approché de nous , que par son moyen nous soyons conduits iusques au Royaume des cieux,duquel nous estiõs bannis & priuez a cause de nos pechez. Voila comme il nous faut auoir nostre Seigneur Iesus Christ pour adresse de nostre salut , si nous voulons approcher de Dieu, si nous desirons d'auoir vne vraye ioye spirituelle, vn contentement & repos: si nous desirons aussi d'estre armez contre les tentations que le diable nous pourra susciter. Mais pour estre participãs de ceste saincte table,auisons a nous,& cognoissõs en premier lieu nos miseres,pour nous y desplaire, & pour y estre confus du tout. Et au reste, que nous cognoissions que Dieu a voulu addoucir toutes nos tristesses & angoisses, quãd il s'est ainsi eslargi en son Fils vnique, & qu'il nous y a voulu resiouir plenement. Et combien que nous soyons suiets a beaucoup de pouretez en ce monde, & assiegez d'ennemis,qui sont cõme loups rauissans : que le diable d'vn costé ne cesse de chercher sa proye en nous,& les incredules abbayent comme chiens mastins: combien ( di-ie ) que nous soyons agitez de beaucoup de troubles, & menacez de tous costez : combien qu'il nous faille endurer beaucoup de fascheries , tenons-nous certains toutesfois que nous ne laisserons pas d'auoir tousiours la paix a nostre Dieu: & le prions qu'il nous la face sentir par son sainct Esprit , d'autant que c'est vne chose qui surmonte tout sens humain: ( cõme desia Philip.4.b.7. nous auons touché de S. Paul ) & que nous apprenions de tellement nous contẽter de nostre Seigneur Iesus Christ, & des biens spirituels desquels il nous a fait participans, que nous puissions porter patiemment toutes les miseres & afflictions de ce monde. Qu'il ne nous face point mal d'estre mesprisez , d'estre molestez de toutes parts : brief d'estre exposez a tout opprobre bre & ignominie , moyennant que Iesus Christ soit auec nous, & qu'il benie toutes nos miseres & afflictiõs,& que nous en rapportions tel fruit , qu'on cognoisse qu'au milieu de toutes nos pouretez nous ne demandons sinon a glorifier nostre Dieu. Et là où les mondains font leurs triomphes a leur confusion, d'autant qu'ils ne se peuuẽt esiouir sinon en bataillãt contre Dieu, que nostre vraye ioye soit de le seruir en toute crainte & humilite , & nous addonner du tout a son obeissance. Voyla donc comme nous auons a faire nostre profit de ceste doctrine.

OR nous nous prosternerons deuant la maieste de nostre bon Dieu en cognoissance de nos fautes , le prians que de plus en plus il nous les face sentir : & que par ce moyen nous soyons apprins de nous ranger a nostre Seigneur Iesus Christ:cognoissans que si nous sommes separez de luy, toute nostre vie & tous les biens que nous receuons de Dieu, nous serons tournez en plus grande condamnation. Et pour sentir que le fruit de sa mort & passion nous est communiqué,qu'il nous adouë pour mẽbres de son corps , afin que les afflictions que nous pourrons endurer en ce monde nous soyent d'autant d'aides a salut. Ainsi nous dirons tous, Dieu tout puissant, Pere celeste, &c.