P AVL Apostre de Iesus Christ par la cõmission de Dieu nostre sauueur,& du Seigneur Iesus Christ nostre esperance, A Timothee mon vray fils en la foy, grace,misericorde & paix de par Dieu nostre Pere,& de par Iesus Christ nostre Seigneur .

IL ne nous faut pas estimer que ceste epistre ait este escrite par S.Paul pour seruir a vn hõme seul,mais c'est pour toute l'Eglise,cõme on le peut veoir par le cõtenu d'icelle.Car Timothee n'avoit pas besoin de beaucoup d'aduertissemens que sainct Paul fait yci. Il parle donc plustost a l'occasion des autres que de luy. Et mesmes de prime face on peut aiseement recueillir cela: car sainct Paul s'attribue le titre d'Apostre, & conferme sa vocation enuers ceux qui ne luy eussent point dõné authorite s'il ne se fust fait cognoistre estre tel. Mais quand il escrit aux Eglises là où desia il estoit suffisamment approuué, il ne fait q͂ toucher en brief ce mot d'Apostre , ou il s'appelle simplemẽt seruiteur de Dieu.Yci il monstre qu'il ne s'est point ingeré de sa fantasie, mais qu'il a esté ordonné de Dieu, que la charge luy est cõmise par nostre Seigneur Iesus Christ.A quel propos fait-il cela, sinon qu'il a regardé les autres plus que Timothee? Ainsi donc, nous voyons que ceste epistre a tellement este addressee a vn homme, qu'elle s'addresse aussi a tous,qu'elle doit proufiter en general aux enfans de Dieu : comme nous verrõs plus a plein que sainct Paul a voulu edifier to9us ceux ausquels ceste espitre pourroit estre communiquee.Et de faict il monstre yci quel est le vray ordre de l'Eglise , comme la parole de Dieu se doit traitter,& a quel vsage elle doit estre appliquee. Il declare quel est le deuoir d'vn chacun. Et ainsi nous voyõs qu'il n'est point question d'vn homme particulier, mais qu'il faut que tous y soyẽt attentifs, d'autant que c'est a son Eglise que Dieu a voulu addresser ceste doctrine par la bouche de S. Paul. Or voyons maintenant de quelle forme sainct Paul vse en sa preface: il dit , Paul Apostre de Iesus Christ selon la cõmißion qui luy est donee de Dieu nostre Sauueur, & du Seigneur Iesus Christ nostre esperance . Nous auõs mõstré ci dessus , traittant les epistres aux Thessaloniciens, chap.2.13, que sainct Paul mõstre par son exemple que nul ne doit estre escouté en l'Eglise de Dieu,sinõ estãt enuoyé. Car il ne faut point q͂ nostre foy soit attribuee aux hommes mortels ni aux creatures. Il n'y a q͂ Dieu seul qui domine sur nos ames,& faut que nous receuions de luy toute la doctrine de nostre salut. Cependant,il ne descend pas du ciel en forme visible pour parler a nous, & ne nous enuoye pas aussi ses Anges,mais il veut que nous soyons enseignez par le moyen des hommes. Pour ceste cause si no9us voulons obeir a Dieu, il nous faut receuoir sa Parole qui no9us est preschee par ceux ausquels il a commis ceste charge & office.Car ceux qui se vantent de vouloir seruir a Dieu,& cependant mesprisent sa Parole , sous ombre qu'elle leur est apportee par la bouche des hommes,monstrent bien qu'il n'y a qu'hypocrisie en eux. Et de faict,il ne faut point plaider là dessus, puis que nous voyons que Dieu a establi cest ordre , c'est ascauoir q͂ il veut gouuerner son Eglise par la predicatiõ de l'Euãgile,& qu'il veut que les hõmes soyẽt ministres de cela. Il faut que grans & petis se rangent a ceste regle qui leur est donnee, & laquelle sera ferme iusques a la fin du monde. Tant y a que sainct Paul se nommant Apostre, a voulu yci declarer en premier lieu, que les hommes indifferemment ne doyuẽt pas estre escoutez , sinon qu'ils ayent approbatiõ qu'ils parlẽt au nom de Dieu , & de nostre Seigneur Iesus Christ. Au reste,il monstre aussi q͂ si nous voulons faire hõmage a Dieu, si nous luy voulons estre suiets,que nous deuons receuoir sa Parole quand elle nous est preschee par la bouche des hommes qu'il a enuoyez. Cependant il ne dit pas simplement qu'il est Apostre,mais il dit, De nostre Seigneur Ies9us Christ , voire pour ce que celuy-la nous a este ordonné de Dieu son Pere cõme souuerain docteur , voire vnique. Tous ceux dõc qui se meslẽt d'enseigner, il faut qu'ils parlẽt au nom de nostre Seigneur Mat.17.6. Iesus Christ : car c'est de luy seul qu'il est dit, Escoutez-le. Quand ceste voix a este ouye du ciel, ꝗl faut escouter Ies9us Christ,ç'a este pour clorre la bouche a toutes creatures , q͂ nul ne presume d'auancer ce qu'il aura forgé en son cerueau, que nul ne pretẽde d'estre maistre ou docteur,car il faut que cela soit reserué au Fils de Dieu.Que reste-il-dõc? Que tous ceux qui enseignent puissent protester en verite que Iesus Christ parle par leur bouche,cõme S. Paul 2.Cor.13.3. aussi le dit en vn autre passage,Demãdez-vous approbatiõ de celuy ꝗ parle en moy? c'est ascauoir le Seigneur Iesus, dit-il. Voyla dõc pourquoy notãment il declare qu'il est Apostre de Iesus Christ, c'est a dire enuoyé de luy, ayant cõmissiõ de parler cõme en sa propre personne: & dit que cela s'est fait par l'ordõnace de Dieu & de nostre Seigneur Iesus Christ . En quoy il signifie Heb.5 4, & 5. q͂ ce n'est point aux hõmes de s'ingerer: cõme aussi il est dit en l'Epistre aux Hebrieux, Que nul ne doit vsurper l'hõneur a soy , mais celuy qui est appelé de Dieu, q͂ celuy-la pourra dire qu'il ha charge legitime.Et de faict,il a falu q͂ Iesus Christ mesme , qui est maistre en la maison & chef par dessus tous,q͂ celuy-la ait este ordõné de Dieu son Pere,voire auec sermẽt solennel,cõme nous voyõs au Pse.110.Que sera- ce dõc de ceux qui sõt biẽ inferieurs a luy, & qui n'õt nulle authorite,sinõ celle qu'il leur dõne?Or S. Paul pouuoit dire qu'il estoit cõstitué Apostre selõ l'ordõnãce de Dieu,pource q͂ il y auoit eu vocatiõ du ciel auec miracle:mais cela ne se fait pas en tous.Quoy dõc?Dieu afin q͂ rien ne se feist en confus , mais q͂ tout allast par bõ ordre en sõ Eglise, a establi vn tel moyen, & dõné charge & cõmissiõ a ceux desquels il se vouloit seruir pour porter sa parole, c'est qu'ils seroyẽt eleus & approuuez. Quãd donc cest ordre sera ainsi gardé , cõme les Apostres no9us l'õt mõstré,voyla vne vocatiõ legitime,& q͂ Dieu veut estre recognue cõme de luy.Quãt a ce q͂ S. Paul & les autres Apostres ont este ordõnez par vn moyẽ special , cela estoit pource ꝗls estoyẽt enuoyez afin de mettre Ies9us Christ en possessiõ de son royaume. Mais depuis q͂ ce fondemẽt a este mis, Dieu a voulu q͂ ceux qui deuoyẽt annoncer l'Euãgile,fussẽt eleus & approuuez, & veut qu'on se cõtẽte de cela: cõme l'Escriture le mõstre en d'autres passages. Tãt Act.1.23, & 13. 1. y a q͂ nous deuons obseruer deux choses en to9us ceux qui annõcẽt la parole de Dieu,& qui portẽt ce titre de pasteur:l'vne est,qu'ils soyent eleus par moyẽ tel q͂ Dieu approuue,& qu'il no9us est monstré en sa parole : car ceste regle-la est inuiolable.Et puis il y a pour le second, qu'ils s'acquittẽt fidelemẽt de leur deuoir:& cela est quãd ils se tienẽt a la pure doctrine de l'Euãgile, qu'ils ne s'arrestent poĩt a leurs inuentions, mais qu'ils cherchẽt seulemẽt d'exalter le nom de nostre Seigneur Ies9us Christ,& qu'il soit ce q͂ il a esté ordõné de Dieu sõ Pere , c'est ascauoir ( cõme desia no9us auons dit ) docteur souuerain & vnique. Voyla les deux choses ꝗ sont requises en to9us pasteurs qui veulẽt estre recognus & aduouez pour ministres de la parole de Dieu, ꝗls soyẽt,di-ie,appelez selõ l'ordre de l'Eglise & qu'ils exercẽt fidelemẽt leur estat,taschãt de s'acquitter en sorte q͂ Iesus Christ domine tousiours en cest hõneur souuerain,qu'on l'escoute, & qu'õ luy obeisse.Et voyla pourquoy il est 2. Cor. II. 2 & Eph. 5. 27. dit qu'il faut q͂ l'Eglise demeure tousiours chaste a son espoux.Quãd Iesus Christ appelle en son nom ceux desq͂ls il se veut seruir,il ne faut pas pourtant qu'ils vsurpent son lieu & sa dignite: c'est cõme si vn hõme auoit cõmis sa feme a vn sien ami,& q͂ celuy-la fust le premier qui taschast de la seduire. Quãd dõc ceux qui ont l'office d'ãnoncer la parole de Dieu, voudront mettre en auãt leurs inuẽtions propres, ce sera faire rõpre a l'Eglise la foy qu'elle doit a son mari,c'est a dire au Fils de Dieu.Car voyla aussi en quoy S. Paul mõstre q͂ la chastete de l'Eglise cõsiste,c'est quãd elle ne se desbauche point de la simplicité de l'Euãgile ( dit-il ).Car 2. Cor.II.3. si tost q͂ nous prestõs l'aureille a des doctrines estrãges,c'est cõme si vne femme auoit presté l'aureille a vn maquereau pour la seduire.Ainsi donc notons biẽ q͂ les hõmes n'ont pas ceste cõmission pour gouuerner l'Eglise de Dieu a ceste cõdition q͂ la dignité de Iesus Christ soit amoindrie,ne q͂ cela luy en porte preiudice aucũ, mais plustost c'est afin qu'ils se rãgẽt au Docteur vnique & des grãs & des petis,qu'õ se tiene a sa parole qu'il a apportee au nom de Dieu son Pere,&cependãt toutesfois qu'en toute humilité & reuerẽce nous obeissions a la doctrine qui nous est preschee par les hõmes: q͂ si no9us n'en tenons conte, nous ne faisons poĩt iniure aux creatures mortelles,mais nous monstrons vne rebellion manifeste contre Dieu & cõtre son Fils vnique. Maintenant il nous faut noter les titres q͂ S.Paul attribue yci & a Dieu & a nostre Seigneur Iesus Christ.Il dit, Dieu nostre Sauueur , & Iesus Christ nostre esperance . Il est vray q͂ ce mot de Sauueur souuentesfois en l'Escriture saincte se dõne au Fils de Dieu: pource que c'est luy qui a parfait & accompli tout ce qui est requis a nostre salut.Il a espãdu son sang,afin q͂ nous soyons lauez & nettoyez de nos macules. Il a effacé la malediction qui estoit sur no9us,il no9us a deliurez & affrãchis de la seruitude de mort,il a aboli le peche. Nous voyons dõc qu'il nous faut chercher nostre salut en nostre Seigneur Iesus Christ , & q͂ c'est a bon droict qu'il est nõmé nostre Sauueur.Mais aussi ce n'est point sans cause q͂ S.Paul intitule ainsi en ce passage Dieu le pere. Et pourquoy? Voyõs d'où c'est q͂ Iesus Christ nous est venu. Il nous a este enuoyé de Dieu son Pere, cõme l'Escriture le porte, q͂ Dieu a tãt aimé le mõde, qu'il n'a poĩt espargné son Fils vnique,mais l'a Ieh. 3. 16. &1. Ieh. 4. 9. liuré a la mort pour nous.Pourtant quand no9us aurõs contẽplé nostre salut en la personne de nostre Seigneur Iesus Christ , il no9us faut venir a la source & fõtaine dõt il no9us procede , c'est ascauoir de ceste amour q͂ Dieu a portee au gẽre humain.Voyla pourquoy S.Paul nõme Dieu nostre Sauueur:signifiant par ce mot q͂ toutesfois & quãtes q͂ no9us pensons au biẽ qui nous a este apporté & acquis par nostre Seigneur Iesus Christ, q͂ no9us esleuiõs nos esprits plus haut, & q͂ nous cognoissions q͂ Dieu ayãt pitie de la perditiõ en laq͂lle estoit toute la lignee d'Adã, y a voulu pouruoir,& y a dõné ce remede,c'est ascauoir q͂ nostre Seigneur Iesus Christ nous est venu retirer des abysmes de mort esquels no9us estions:mais cepẽdant Iesus Christ est appelé nostre esperance , afin q͂ nous scachions q͂ c'est en luy qu'il nous faut appuyer , & auoir tout notre repos.Car cõmẽt pourriõs-no9us apprehẽder le salut q͂ Dieu no9us a dõné,si ce n'est q͂ nous ayõs appointemẽt auec luy par le moyẽ de nostre Seigneur Iesus Christ:veu q͂ cepẽdãt q͂ nous regarderõs a la maieste de Dieu,il faut que nous soyons espouantez. Et voila qui a esté cause de faire chercher aux Papistes tant de patrons & d'aduocats , tant de moyens, tant de menus fatras:c'a este afin d'estre asseurez de leur salut. Et si n'en sont-ils pas venus a bout. Car depuis qu'on se destourne de Iesus Christ,il faut qu'on soit en doute & en perplexite : & encores que les hommes s'endorment pour quelque peu de temps , si est-ce qu'en la fin il faut que maugré leurs dents ils cognoissent qu'ils ont este abusez en leurs vaines imaginatiõs. Tant y a que les Papistes ne cognoissans point ce qui est yci declaré par saĩct Paul, que Iesus Christ est nostre esperance,combien qu'ils eussent este desia instruits en cest article comme Dieu est le Sauueur du monde,si est-ce qu'ils ne laissent pas d'estre agitez çà & là, cõme on voit qu'ils sont transportez pour dire, Il faut faire telle chose,il faut auoir tel moyẽ, il faut tenir vn tel chemin, & encores no9us faut il auoir vn tel patron & vn tel aduocat,si nous voulons acquerir grace deuãt Dieu. Voyla où en sont ces poures aueugles.Et ainsi apprenõs que si nous voulõs estre asseurez,& auoir nos ames paisibles,qu'il faut que nous cherchions & le commencement & la fin de nostre salut en nostre Seigneur Iesus Christ,que nous soyons là pleinement fondez,que nous ne pensiõs point qu'il soit venu pour nous donner seulement quelque petit goust de la vie eternelle: mais qu'il nous a apporté toute plenitude & toute perfection de bien , afin qu'en luy seul nous soyons rassasiez. Suyuõs donc ce qui no9us est yci ordonné du Fils de Dieu,& ne vaguons point çà & là a nostre escient. Car le chemin nous est yci monstré infallible:tenõs-nous là. Brief,yci sainct Paul nous declare que la cause principale de nostre salut,c'est la bonne volonte, & l'amour paternelle q͂ Dieu nous a portee sans q͂ no9us en fussiõs dignes:mais la substãce est cõprise en nostre Seigneur Iesus Christ, Dieu nous a-il aimez? Voyla ( di-ie ) le fondement principal de nostre salut.Mais commẽt est-ce q͂ Dieu nous aime cependãt q͂ nous sommes pecheurs?Il faut qu'il haisse le mal qui est en nous,& qu'il le deteste.Nous voyla donc alienez de Dieu,& par consequẽt nous sommes priuez & bãnis de la vie eternelle:nous voyla abandonnez a la mort,nous sommes maudits. Mais auõs-nous ce lauemẽt du sang de nostre Seigneur Iesus Christ,pour nous acquitter enuers Dieu,par le sacrifice qu'il a offert le peché est-il aboli en no9us par la iustice qu'il nous a acquise? Voyla comme la substãce de nostre salut est en luy.Et pourtãt c'est là où il nous faut regarder, c'est là où il faut q͂ tous nos sens s'adõnent: & c'est là principalement où nous deuõs auoir tout nostre repos,& chercher ceste paix dõt S.Paul parle,disant,Que no9us auons paix auec Rom.5.1, & 2. Dieu, d'autãt q͂ nous sommes iustifiez par la grace de nostre Seigneur Iesus Christ.Nous voyons dõc maintenãt q͂lle doctrine no9us auõs a recueillir des titres que S. Paul attribue yci a Dieu le Pere & a nostre Seigneur Ies9us Christ. Or nous auons a conioindre ce qu'il adiouste, Grace,& misericorde,& paix de par Dieu le Pere & de par nostre Seigneur Iesus Christ . Ceci est pour declarer encore mieux ce q͂ no9us auõs touché. Car cõme S.Paul a nõmé Dieu nostre sauueur,&Iesus Christ nostre esperãce,ainsi il entẽd q͂ tout ce qui appartient a vne pleine & parfaite felicite no9us est donné de tous deux en cõmun.Car si nous separons Dieu d'auec Iesus Christ , nous ne pouuons auoir aucun acces a luy,pource q͂ sa maieste est trop haute.Nous sõmes yci cõme aux abysmes de mort. Il faut dõc qu'il y ait ce moyẽ d'vnion en la personne de Iesus Christ , ou autremẽt Dieu ne no9us sera iamais propice,q͂ no9us ne pourrons pas l'inuocquer, n'attẽdre nul biẽ qui soit de luy,iusques a tãt q͂ nostre Seigneur Iesus Christ no9us apparoisse, & qu'il se mette là pour nous cõduire a Dieu son Pere,& qu'il approche de no9us,en no9us testifiãt q͂ Dieu nous sera prochain en sa persõne. Or deuãt q͂ passer plus outre quãt aux trois mots qui sont yci mis, Grace, & misericorde,& paix :nous en auõs desia exposé les deux,grace & paix,&auons dit en sõme q͂ ce mot de grace emporte q͂ Dieu nous aime , & qu'il se declare propice enuers nous. Le mot de paix emporte en general toute prosperite.Or par cela il no9us est signifié q͂ nous sõmes mal-heureux iusques a tãt q͂ Dieu se soit recõcilié auec nous,& qu'il no9us ait receus en son amour, voire quãd nous auriõs tout ce qu'il est possible de souhaiter,& q͂ le mõde no9us estimera tant heureux que merueilles, nous aurõs beau no9us applaudir,tãt y a q͂ no9us serõs tousiours miserables iusques a tãt q͂ nous soyõs asseurez q͂ Dieu nous aime , & q͂ il nous reçoit pour ses enfãs.Et pourquoy?car il faut q͂ tous les biẽs dõt nous iouissons en ce mõde nous soyẽt cõuertis a malheur, & qu'ils nous soyẽt bien cher vẽdus,iusques a tant que Dieu nous ait receus en sõ amour.Mais au cõtraire, sõmes-nous aimez de Dieu?sõmes nous fondez en sa grace? il nous enuoyera ce qu'il scaura nous estre propre.Cõme nous voyõs q͂ il persecute ceux qui sont reiettez de luy:& encores qu'il permette qu'ils ayẽt des biẽs selon le mõde,si est-ce qu'il n'en ont poĩt vne vraye iouissance , pource qu'ils sont tousiours en trouble: mais a l'opposite il enuoyera a ses enfãs ce qu'il cognoist leur estre propre & vtile, & s'ils ont faute & indigẽce il les consolera en sorte qu'ils se pourront glorifier au milieu des miseres:cõme dit S.Paul, q͂ quand nous auons ceste certitude de l'amour de Dieu , que no9us auõs 2.Cor. II. 30. nos ames qui se reposent en luy,nous pouuons non seulement nous glorifier de l'esperãce qu'il nous dõne de la vie celeste,mais en ceste vie presente,scachãs qu'il nous aime,encores que nous soyons affligez nous sommes resiouis, quãd nous scauõs qu'il cõuertira le tout a nostre salut,puisqu'il nous dõne desia ce sentimẽt, qu'il en ha le soin. Voyla cõme les miseres seruirõt aux enfãs de Dieu, & par ce moyẽ ils se pourront glorifier en icelles. Maintenãt donc nous voyõs cõme la grace de Dieu est le cõmencemẽt de tout bien, & de toute felicité. Et ce n'est point sans cause que S. Paul les conioint. Et par cela aussi nous sommes admonestez de ne point mettre la charrue deuant les bœufs,quãd nous demãdons a Dieu ce ꝗ nous est propre.Mais voyci l'ordre q͂ nous auõs a tenir, c'est qu'en premier lieu il plaise a Dieu de nous receuoir en sa grace,& puis de nous enuoyer les choses qui nous sont necessaires & vtiles.Il est vray q͂ nostre nature tẽdra tout au contraire , tout ainsi qu'vn malade sera plus pressé de sa passion qu'il ne sera point de la cause du mal.Ainsi quand nous prions Dieu,nous luy demandons bien qu'il nous donne du pain a manger,qu'il nous enuoye toutes nos necessitez si nous sommes malades,qu'il nous dõne guerison : & si nous auons faute de quelque chose,qu'il no9us l'enuoye. Voyla comme nous irons tousiours au rebours en priant Dieu. Or nous oublions ce qui est le principal,ascauoir son amour & sa grace , & nous arrestons aux choses inferieures. L'vn demandera d'estre riche, l'autre voudra auoir ce que sõ appetit porte. Brief nous sommes si peruers en nos desirs, que nous ne cognoissons pas ce qui nous est bon. Pour ceste cause,que nous suyuions ceste regle-ci, c'est que quand nous inuoquerons Dieu , nous luy demandions deuant toutes choses qu'il luy plaise nous estre propice, & en nous pardonnant nos fautes nous recueillir a soy : & puis,qu'il nous gouuerne, & qu'il nous conduise en tout & par tout. Il est vray qu'il nous faut estre conduis & gouuernez par son sainct Esprit,si nous le voulons bien prier comme sainct Paul le monstre, mais cependãt si ne faut-il pas aussi mespriser ceste façon qui nous est yci declaree.Quant a ce mot de misericorde , sainct Paul n'en vse point en toutes les autres epistres.Et pourquoy est-ce donc que plustost il l'a mis yci,sinon d'autant qu'il a desployé son affection plus grande qu'aux autres lieux? Tãt y a que ce mot de misericorde n'emporte rien plus sinon vne declaration plus certaine que veut dire ce mot de grace : car la misericorde de Dieu est cause de ce qu'il nous aime. Et pourquoy?Qu'est-ce que Dieu trouuera en nous sinon toute misere? S'il nous vouloit aimer pour nostre dignite,il faudroit que nous fussions du tout autres que nous ne sommes. Notons bien donc,quand Dieu nous reçoit en son amour,qu'il n'y a rien qui l'induise a cela sinon nos miseres.Et il y a vne correspõdance entre les miseres des hommes,& la misericorde de Dieu.Et ainsi donc,voulons nous estre aimez de luy? il faut commencer par ce bout, c'est de sẽtir cõbiẽ no9us sõmes miserables creatures,& q͂ no9us sõmes perd9us & dãnez.Ceux qui voudront esperer salut,& ne sentirõt point leurs pouretez,c'est autãt cõme si q͂lqu'vn vouloit sauter par dess9us les nues.Apprenons,apprenõs q͂l est le chemin pour paruenir a ceste grace de Dieu, c'est q͂ no9us soyõs cõuaincus de nos pouretez,& qu'estãs cõf9us en no9us-mesmes,d'autant qu'il n'y a que toute iniquite & malice en no9us, là dessus nous ayons recours a la misericorde & pitie infinie par laquelle Dieu est esmeu a no9us aimer,cõbien q͂ nous en soyons plus qu'indignes. Voyla a quel propos S.Paul adiouste en ce passage,ce mot de misericorde . Or il est vray que de la misericorde,comme nous auons dit , procede la grace , mais il ne nous faut point esbahir que sainct Paul l'a mis en second lieu. Et pourquoy?C'a este pour aduertir que nous ne pouuons pas estre agreables a Dieu,sinon d'autãt qu'il est misericordieux enuers nous.Comme quand il dit en vn autre passage, 2.Cor.13.1 La grace de nostre Seigneur Iesus Christ & la dilection de Dieu nostre Pere soit auec vous.Il est vray que la dilection de Dieu precede en ordre, comme nous auons dit , que nous n'auons point salut sinon d'autant que Iesus Christ no9us a este enuoyé de Dieu son Pere: mais sainct Paul apres auoir parlé de la grace qui nous a este manifestee , & que iournellelementiournellement Dieu nous communique en la persõne de son Fils par l'Euangile , monstre que cela vient de ce qu'il luy a pleu nous aimer par sa bonte gratuite. Voyla en somme quant a ce passage. Venons maintenãt a ce que dit sainct Paul : Il appelle Timothee son vray fils en la foy . Or ceci de prime face pourroit estre trouué estrange,qu'vn homme soit pere spirituel, veu que nostre Seigneur Iesus Christ a defendu Mat.23.9. cela,disant , Qu'il ne nous faut point auoir de peres en terre , d'autant qu'il n'y a que celuy qui est au ciel qui merite cest honneur-la. Mais tout ainsi que Dieu estant Pere & de nos ames & de nos corps fait cest honneur aux hõmes mortels que son titre leur est cõmun:aussi quãd il luy plaist d'ẽuoyer les hõmes pour no9us attirer a la foy,ils nous sont peres spirituels.Il est vray qu'il semble encores que ceci ne conuiene point auec ce qui est dit en l'epistre aux Heb.12.9. Hebrieux. Car là il y a vne comparaison faite des peres charnels auec le Pere de nos ames, ( qui n'est qu'vn ) comme de choses opposites : mais le tout s'accordera tresbiẽ quãd nous aurons entendu commẽt c'est q͂ Dieu est nostre Pere, & cõme les hõmes le sõt. Ce nom de Pere est tant honorable , qu'il n'apartient qu'a Dieu seul,mesmes au regard des corps.Et ainsi,quand nous disons que ceux qui no9us ont engẽdrez selõ la chair, sõt nos peres,c'est vne façõ de parler impropre car vne creature mortelle ne merite pas ceste dignite si haute & si excellente:mais tant y a que Dieu par sa bõte encores esleue les hommes en ce degré , qu'il veut qu'ils soyent appelez peres : & c'est afin qu'ils se cognoissent tant plus obligez a luy. Or il n'y a pas grande difficulte quant a la vie presente , qu'on appelle peres charnels ceux qui ont engendré des enfans. Mais il semble que Dieu soit le seul Pere de nos ames, en telle sorte q͂ cela ne doyue point estre applicqué aux hõmes:& tant y a qu'il y a vne mesme raison. Pourquoy?Il est vray que c'est Dieu seul ꝗ nous engendre par sa parole,laquelle se nomme 1. pier.1.23 semence de vie: mais cependant il appelle Isa.54.15. & Gal.4.27. l'Eglise nostre mere.Car tout ainsi qu'vne mere conçoit & qu'elle porte ses enfans,& qu'elle les nourrit , ainsi Dieu ayãt tousiours sa parole en son Eglise,veut que nous soyons & engẽdrez par icelle,& nourris & esleuez,iusques a ce que nous soyons venus en aage d'homme, comme sainct Paul en parle. Voyla donc l'Eglise qui est appelee nostre mere celeste,& l'Escriture Ephe. 4.15 est pleine de cela.Et sainct Paul declarãt ce qui en a este dit aux Prophetes,monstre que c'est par la parole de l'Euangile , qui est la semẽce de vie, q͂ nous sommes faits enfans de Dieu.Pour cela l'Eglise est nommee nostre mere au 4. des Gal.Or par vne mesme raison ceux ausquels cette charge est cõmise de porter l'Euangile, sont appelez peres , quand ils engendrent en Iesus Christ par la semence de vie incorruptible, & qu'ils nourrissent les ames,& q͂ ils les esleuent iusques a ce qu'elles soyent venues a perfection. Comment est-ce que nous sõmes faits enfans de Dieu? C'est par la parole de l'Euãgile.Et ceste parole-la d'où no9us est elle proferee, sinon du costé des hommes? Et ainsi si donc donc puis que les hommes sont enuoyez de Dieu , qui les introduit comme en son lieu afin de gaigner les ames a salut , & puis que auec la Parole,il adiouste aussi les Sacremens, voyla comme vne naissance nouuelle, & Dieu monstre là qu'au lieu que nous estions nais enfans d'Adam , & que nous demouriõs en sa malediction viuans au monde , que tout cela est aboli en nous par le moyen de son adoptiõ gratuite. Puis qu'ainsi est donc que les hommes sont ainsi constituez au nom de Dieu , & que par leur moyen les ames sont appelees a la vie immortelle,il ne se faut poĩt esbahir s'ils sont aussi appelez peres.Et voyla pourquoy S. Paul ne fait point difficulte de se nommer pere 1.Cor.4.15 & Gal.4.c 19 tant yci que par toutes ses epistres,mesmement aux Corinthiens. Son intention n'est pas de s'auancer en derogant rien qui soit a Dieu,ne portãt preiudice a ce qui luy est reserué, & doit estre gardé:mais plustost S.Paul magnifie la grace de Dieu,lequel auoit ainsi engẽdré des fideles par son moyen. Sainct Paul en somme ne veut point obscurcir la gloire de Dieu,ni attirer a soy ce qui ne luy appartient poĩt,car ce seroit vn sacrilege execrable:mais plustost afin que Dieu soit recognu pere souuerain, il monstre que les fideles ont este attirez a la vie celeste par son moyen,comme s'il disoit, Mes amis nous auons tous ensemble vn Pere de tous , & de vous & de moy ; c'est luy qui par sa vertu nous a regenerez,c'est luy qui nous maintient:mais cependant auisons que la semence de vie , ( & de vie incorruptible ) soit en nous , d'autant que nous auons receu par foy la doctrine de l'Euangile,& Dieu s'est voulu servir de ma personne en cest endroit, Ie vous suis donc vn pere spirituel, non point a l'opposite de Dieu,non point pour diminuer rien de sa dignite,mais comme estant sous luy & portant sa Parole,laquelle il m'auoit commise. Nous voyons donc maintenãt a quel propos sainct Paul se nomme pere des fideles. Et de là nous sommes instruits, que si nous voulons estre recognus & aduouez de Dieu pour ses enfans,qu'il faut aussi que nous soyons enfans de l'Eglise,que nous ne facions point cõme ces apostats & ces rebelles qui voudroyẽt auoir seulement vne Chrestiente par fantasie, qui n'ont sinon vne imagination diabolique. Or de moy ie suis Chrestien, ie tiens l'Euangile: voire il ne leur couste gueres de parler aĩsi, mais cependant ils reiettent tout ordre d'Eglise, ils se veulent exempter de tout ioug, ils cherchẽt la ruine de ceux qui sont cõmis pour prescher au nom de Dieu, & lesquels ils deuroyent tenir pour leurs peres s'ils n'estoyent enfans du diable , mais ce sont effrontez & impudens iusques au bout , qui viendront yci prophaner l'Eglise de Dieu. Pourceaux, pourceaux , que ne vous tenez vous en vos ordures & infections , afin de ne point infecter les autres? Voyla comme il faut que si nous voulons estre tenus pour enfans de Dieu, que l'Eglise soit nostre mere , & que les Ministres soyent nos peres : & tous ceux qui ne veulent point se ranger là , qu'ils s'en aillent ( comme i'ay dit ) auec Satan en enfer chercher leur maison : car ils n'ont ne lieu ne place en l'Eglise de Dieu.Et au reste,d'autant que il y en a beaucoup qui font semblant d'estre fideles , & qui pretendront le nom de ceux qui auront este reformez par l'Euangile , & toutesfois qu'il n'y aura qu'hypocrisie en eux,voyla pourquoy sainct Paul appelle Timothee son vray fils en la foy . Il adiouste cela pour le discerner d'auec les enfans qui estoyẽt bastars. Car le mot dont vse yci sainct Paul ne se peut assez exprimer , il emPorteemporte cõme fils naturel, vn droit fils. Et sainct Paul auoit-il des enfans qui ne fussent pas vrais & legitimes en la foy? Ouy biẽ:non pas que la faute veinst de son costé, mais pource que beaucoup auoyent fait semblant de receuoir l'Euangile par sa bouche, & puis apres qu'on ne voyoit que malice en eux & hypocrisie, il les desauouẽdesauoue pour ses enfans , & dit qu'ils ne sont point vrais & legitimes. Apprenons donc que ce n'est point assez que nous ayons este enseignez en l'Euangile, & que nous ayons fait profession d'y adherer, & que nous ayons ouy par la bouche des hommes ce que Dieu nous aura commandé, mais il faut que nous demouriõs vrais enfans, que nous auisions bien de tousiours suyure le droit chemin sans en decliner en façon que ce soit. Car si tost qu'on commence a se desbaucher , & qu'on laisse la droite ligne, que reste-il sinon qu'on deuiene tout bastard, au lieu qu'on estoit du nombre des enfans de Dieu,& qu'il auoit exalté l'homme en cest hõneur inestimablerinestimable? Aduisõs qu'en la personne de Timothee sainct Paul nous a voulu instruire, que si nous auons receu l'Euangile, il nous y faut tellement persister que la bonne semence qui aura este plantee en nous , ne soit abbastardie ne corrompue , mais qu'elle persiste iusques a ce qu'elle produise son fruict. Et quand sera-ce? Apres que Dieu nous aura retirez de ce monde , & qu'il nous fera sentir le fruict, & la iouissance de nostre redemption en son royaume celeste. Or nous nous prosternerons deuant la face de nostre bon Dieu , en cognoissance de nos fautes. Le priant qu'il luy plaise nous en purger , & nous en toucher tellement au vif que nous apprenions de renõcer a tout ce qui est du monde , & de nostre chair, & que nous mettions peine de venir a luy , voire & en telle sorte qu'il nous reçoyue cõme ses enfans.Et puis qu'il luy a pleu nous attirer a soy par la cognoissance de sa verite, qu'il luy plaise nous conduire iusques en la fin & nous tenir la main forte afin que nous ne soyons iamais destournez de la saincte vocation. Ainsi nous dirons tous , Dieu tout puissant pere celeste,&c.