QVand nous nous mettons à prier Dieu, il nous faut principalemẽt considerer deux choses, tant pour auoir accés à luy, que pour nous reposer en luy auec vne pleine & certaine fiãce : l'vne, son amour paternel enuers nous, & l'autre sa puissance infinie. Et pourtant le Nom de Pere luy est attribué, afin que ne doutions de sa benignité, & que de soy-mesme il est enclin à nous aider. Par ce titre de Nostre Pere Christ nous a dõné non seulement accés à Dieu, ains aussi assez suffisãte matiere de fiãce. Mais pource que nous nous arrestons seulement à demi à la bonté de Dieu, par ces paroles Qui es és cieux, qui font la troisieme partie de ceste preface, il accroist plainement nostre fiance.

Par ces termes il entend autant comme s'il Expositiõ de ces Termes Qui es és cieux disoit, Qui es par dessus tous les cieux, comme l'expose l'Apostre Ephes. 4. 10. c'est à dire par dessus tous les cieux visibles en la gloire celeste. Car l'Escripture comprend sous ce mot de cieux en plurier nombre tout cest espace, qui est entre la terre & les cieux : en apres toutes ces voustes celestes, qui sont l'vne sur l'autre, où reluisent ces flambeaux, la Lune, le Soleil & les Estoiles, iusques au firmament, qui enclost tout l'vniuers ; finalement la demeurance des bien-heureux, que Iesus Christ nomme la maison Iob. 14. 2. de son Pere, le paradis celeste, le ciel auquel il est monté. Dont S. Paul 2. Cor. 12. 2. comprenant ces trois sortes de cieux, dit, qu'il a esté raui iusqu'au troisieme ciel & en paradis, qui est par dessus tout le monde ; où cest qu'il est dit que Dieu habite, & a preparé son throne Psa. 103. 19. comme Iesus Christ aussi Matth. 5. 34. nomme le ciel le Throne & siege Royal de Dieu, & la terre le marchepied de ses pieds. Ce titre attribué à Dieu, pour le discerner d'auec les peres terriens. Ce titre donc luy est ici attribué, afin que nous discernions celuy que nous inuoquons d'auec tous les peres terriens. Car nous tesmoignons que par ce mot de Pere, nous n'entendons pas quelque homme quel qui soit, mais celuy qui les hauts cieux habite, qui est le Roy des Rois & Seigneur des Seigneurs. 1. Tim. 6. 15. comme ayant seigneurie au ciel & en terre. Les Superstitieux donc faillent grandement contre la Regle de la Foy & commandement Confutation d'erreur. de Iesus Christ, qui es choses du salut se choisissent des peres en terre : veu qu'il nous enseigne de cercher & inuoquer nostre pere Qui est Ceci n'est pas dit enclorre Dieu au ciel. és cieux. Ce qui est dit non pas pour l'enclorre en vn certain lieu cõme dedans les cieux, ainsi que s'imaginent les mondains, qui abusent du dire de Dauid Psal. 115. 16. Les cieux des cieux sont à l'Eternel : mais il a donné la terre aux fils des hommes : car ce n'est pas comme si Dieu se tenoit à recoin, & qu'il laissast aller sur terre toutes choses pesle mesle sans s'en soucier, mais c'est que s'estant reserué comme pour son son domicile les plus hauts cieux, par sa grande bonté il a donné l'vsage de la terre aux hõmes, & les y entretiẽt par sa prouidence, pour estre glorifié en iceux. Car il dit luy mesme par Ieremie c. 23. 24. Quelcun se pourra il cacher en quelques cachettes que ie ne le voye point ? dit l'Eternel : ne rempli-ie pas moy les cieux & la terre ? Et en Isaïe 66. 1. Ainsi dit l'Eternel : Les cieux sont mon throne & la terre est le marchepied de mes pieds. Où penseriez vous contenir la Deité ? Le Seigneur n'habite point en temples faits de mains & n'est enclos en aucun lieu : car il est infini & remplit toutes choses. Et Salomon 1. Rois 8. 27. confesse que les cieux, mesmes les cieux des cieux, c'est à dire les plus hauts & les plus excellens ne le peuuent comprendre. Et toutesfois nous ne disons pas en ceste priere Nostre Pere qui es par tout, mais Qui es és cieux, & ce pour raisõs bien notables.

La puissance de Dieu se mõstre plus claire au ciel. Premierement c'est au ciel où est le palais de Dieu : car la puissance de Dieu se monstre plus clairement au ciel ; comme la puissance & Maiesté des Roys terriens se fait voir principalement en leurs palais, qu'ils habitent auec leurs courtisans : Ainsi la puissance, gloire, & maiesté de Dieu se monstre plus clairement au ciel, qu'en point d'autre creature ; & rien de plus auguste & magnifique que le ciel ne se presente à nos yeux, rien de plus esmerueillable en ornement ; soit que nous contemplions le Soleil, la Lune, & les Estoiles ; soit que nous considerions les nues pendues en l'air, & les mouuemens diuers, continuels & admirables des cieux, ainsi que le recognoit Dauid Psal. 19. 2. Les cieux racõtent la gloire du Dieu Fort & le Firmament donne à cognoistre l'ouurage de ces mains : car la Sapience de Dieu se fait voir plus expressement en la composition des cieux, & sa puissance au pourpris, estendue presque immense, mouuement ordinaire, Lumiere & splendeur d'iceux, & de leurs corps celestes. Bref c'est de là que Dieu fait recognoistre le souuerain Empire qu'il a sur le Monde vniuersel.

La Bonté & Ire de Dieu paroissent de là. En apres c'est du ciel que Dieu declare ordinairement les effects de sa bonté & de son courroux : car c'est de là d'où distillent les pluyes & autres influences qui rendent la terre fertile. D'autrepart les cieux anoncent la Iustice de Dieu, Ps. 50. 6. car l'ire de Dieu se descouure tout à plein du ciel sur toute impieté & iniustice Psal. 29. 3. 4. 5. 6. 7. &c. des hommes, Rom. 1. 18. & ce par gresles, vẽts impetueux, tonnerres, foudres, tempestes, saisons mauuaises qui surprennent les fruicts de la terre. Delà vient que les hommes quand ils pensent à Dieu, ou qu'ils l'inuoquent par vn secret enseignement de nature, esleuent leurs mains & leurs yeux au ciel. Et c'est au ciel aussi où ce bon Pere celeste se donne plainement à iouir & posseder à ses enfans.

La Toute presence. Qui plus est le ciel nous est vn tesmoignage de la presẽce de Dieu iadis figurée par la nuée qui estoit de iour sur le Tabernacle d'assignatiõ tion luy faisant ombrage, & par le feu qui estoit de nuict deuant les yeux de toute la maison d'Israel, durant tout le temps qu'ils voyagerent par le desert. Exo. 40. 38. Nomb. 9. 15. Car en quelque lieu que nous soyons sur terre, le ciel est en haut par dessus nous, il enuironne & couure toutes choses, & n'est point pl9us esloigné de la terre en vn lieu qu'en autre, & mesmes il n'y a rien dit Dauid. Ps. 19. 7. qui se puisse cacher arriere du Soleil, qui n'est qu'vne petite portion du ciel. Ainsi la presence de Dieu nulle part ne nous delaisse. Car il est present par tout, ainsi que le mesme Dauid le recognoit fort bien Ps. 139. Où iray ie arriere de tõ Esprit ? Et où fuiray-ie arriere de ta face ? Si ie pren les ailes de l'aube du iour & ie me loge derriere la mer ; là aussi me conduira ta main, & ta dextre m'y empoignera. Si ie di au moins les tenebres me couuriront & me soustrairõt de ta presence : voila la nuit qui seruira de lumiere tout autour de moy. Car autant te sont les tenebres que la lumiere. Et Iob 26. 6. Les cieux sont nuds deuant luy, & le gouffre n'a point de couuerture. Et cõme il est dit Heb. 4. 13. Il n'y a creature aucune qui soit cachée deuant luy ; ains toutes choses sont nues & entierement ouuertes aux yeux de celuy, auquel nous auõs affaire.

Et c'est pourquoy nous faisons icy mention La Toute science de Dieu. de cest habitacle celeste, estans par ce aduertis, que Dieu est par tout, qu'il regarde, & scait, & cognoit, & voit, & oit tout, & singulierement qu'il a les yeux sur les fidelles, comme il est aussi dit Ps. 33. 18. Voici l'oeil de l'Eternel est sur ceux qui le craignent, sur ceux qui s'attendent à sa gratuité.

Vsage d'icelle. Ce qui nous doit seruir non seulemẽt pour nous faire cheminer tousiours en sa crainte, mais pour nous asseurer qu'il nous peut tousiours exaucer. Pourtant Salomon en sa dedicace du temple reitere si souuent que Dieu exaucera les prieres de ses seruiteurs au lieu de sa demeure à scauoir és cieux. 1. Rois. 8. 30. 39. 44. Dont S. Paul nous exhortant à prier droitement Philip. 4. 5. 6. dit, Le Seigneur est pres : Ne soyez en souci de rien, par chagrin & deffiance : ains qu'en toutes choses vos requestes soyent notifiées à Dieu par priere & par supplication auec action de graces. Nous faisant entendre que nous ne nous adressions pas en vain à celuy qui nous vient au rencontre pour auoir cure & soin de nous tout presentement, Ce qui estant propre à vn seul Dieu, s'ensuit Confutation d'erreur. que nous ne deuons prier autre que Dieu, & non les Saincts de paradis, qui ne scauent rien de nos affaires & n'ont plus nulle part au Mõde en tout ce qui se fait sous le Soleil, dit le Sage en l'Ecclesiaste 9. 5.6. Car de dire que Dieu les leur fait voir au Miroir de la Trinité, c'est vne inuention humaine, qui n'a aucun fondement en la parole de Dieu.

Or puis que Dieu qui habite en haut est neantmoins present par tout, & contemple toutes choses, & voit les secrets des cœurs de tous hommes, s'ensuit aussi qu'il est Toutpuissant, comme comme ces paroles Qui es és cieux l'ẽportent ainsi que par cest argument Dauid prouue la Toute puissance de Dieu. Ps. 115. 3. car voulant monstrer la vanité des Dieux controuuez & des Idoles, qui ne sont rien qu'or & argent & ouurages de mains d'hommes, qui n'ont sentiment ne mouuement aucun, declare deuant en peu de paroles & exalte la maiesté, gloire, & puissance du vray Dieu, disant, Certes nostre Dieu est és cieux : il fait tout ce qu'il luy plait : signifiant qu'il n'y a puissance creée qui soit à comparer à la sienne.

Ainsi ceste particule, Qui es és cieux, denote que Dieu est le Souuerain, sublime, Treshaut, Incomprehensible ; par dessus tout hazard La puissãce de Dieu libre. de corruption & changement : qu'il comprend & contient tout le monde ; & le gouuerne par vne puissance infinie : & que sa puissance n'est point attachée aux causes secondes, ni moyens externes, ni subiette à vne necessité ou Destinee fatale, c'est à dire à vn ordre auquel il ne puisse rien changer, ni à fortune, comme on dit, ou aduenture, & qu'elle ne peut estre empeschee, arrestee ni retenue d'aucune creature : ains qu'elle est du tout libre & infinie, non exposee à la moquerie des meschans sinon à leur propre ruine.

D'où nous aprenons premierement d'esleuer en haut nos pensees pour ne rien imaginer de luy, charnel ne terrien, puis qu'il est hautement esleué par dessus tout le monde, & ne le mesurer à nostre apprehension, ne l'assubiettir à nostre volonté : mais adorer en humilité sa maiesté glorieuse.

En apres, que sa Diuinité n'est point attachée aux creatures, idolatres ni images, & qu'il ne faut point que nous adressions l'adoration que nous luy deuons, à place, statue, image, ou chose quelconque sans, & beaucoup moins, contre sa parolle, comme font les Idolatres.

Dauantage, qu'il nous faut en priant, oublier les choses terriennes, & esleuer nos cœurs & affections au ciel : où c'est que nostre Mediateur en grande gloire assiste à la dextre de Dieu son Pere & le nostre, & intercede continuellement pour nous.

Nous aprenõs aussi d'où c'est qu'en nos plus grands dangers & douleurs nous deuons demander & attendre consolation, aide, defense & deliurance : non du costé du monde, du bras de la chair, de l'aide, secours, & assistance des hõmes, des richesses, forces, ou munitions externes, & autres choses semblables, incertaines & fuyantes comme le vent : mais de Dieu qui a domination & empire sur toutes choses, à l'exemple de Dauid Pseau. 121. 1. disant, I'esleue mes yeux vers les montagnes dont me viendra le secours. Mon secours vient de l'Eternel qui a fait les cieux & la terre : & ainsi tenons pour certain que Dieu nous peut aider voire alors que nous sommes abandonnez de toutes creatures, pour dire auec les fideles. 2. Chro. 20.assailli d'vne grande multitude d'ennemis, Seigneur, nous ne sçauons que c'est que nous deuons deuõs faire : mais nos yeux sont sur toy : & auec Dauid Pseau. 123. I'esleue mes yeux à toy qui demeuredemeures és cieux, c'est à dire qui es Tout puissant, & en la main duquel sont toutes creatures : voici comme les yeux des seruiteurs regardent à la main de leurs maistres : comme les yeux de la seruante à la main de sa maistresse, ainsi nos yeux regardent à l'Eternel Dieu iusques à ce qu'il ait pitié de nous.

Singulierement nous auons en ces paroles grande matiere de nous fier en luy : c'est que Matiere de fiance en Dieu. Nostre Pere lequel nous inuoquõs seigneurie & preside és cieux, & par sa puissance & vertu gouuerne le ciel & la terre selon son bon plaisir, toutes choses luy sont suiettes, sa vertu est estendue par tout, & dispose tout par sa prouidence. Il y a donc grande difference entre ce Pere celeste, & les peres terriens. Car ceux-ci donnent Difference entre le Pere celeste & les Peres terriens. volontiers secours à leurs enfans, mais le plus souuent les moyens leur defaillent, & sont contrains de voir auec extreme douleur leur mort & ruine. Mais Dieu nostre Pere qui est és cieux peut & fait tout ce qu'il veut. Il est le Dieu des armees, auquel toutes creatures celestes & terrestres, les Anges & les Diables, les bons & mauuais, Bestes sauuages & priuees, les Elemens & tout ce qui se peut nommer, rend obeissance : & est sa puissance & Maiesté si redoutable, que les Diables mesmes tremblent deuant elle.* Ne doutons point d'onc qu'il ne S. Iaques 2. 19. nous puisse donner tout ce qu'il veut. Or veut il tout ce qu'il nous a paternellement promis, & qu'il enioint de luy demander. Il le fera donc, & comme I. C. a dit au v. 8. Vostre Pere sçait de quoy vous auez besoin, il y pouruoirra donc, & n'y a personne qui l'en puisse empescher.

Et puis qu'il est le dominateur de toutes creatures, pas vne d'icelles ne nous pourra nuire, il maintiendra son Eglise au milieu de ses ennemis, cõme il a promis, & quoy qu'ils brassent & machinent, celuy qui reside és cieux s'en rira & renuersera ses proiects, & en fin parlera à eux en sa colere & les rendra esperdus en l'ardeur de son ire Pseau. 2. 4. 5. Car ce n'est pas vn Dieu qui ne se soucie de rien, & qui soit endormi en sa sentinelle des cieux : mais c'est vn Dieu qui a le soin des siens : C'est le Seigneur des vengeances, qui guette & contemple fort attentiuement toutes choses, & qui ne laisse point impunis les torts faicts à ses enfans : car il dit luy mesme par Zacharie c. 2. 8. que qui les touche, touche la prunelle de son œil : comme il en a monstré les exemples en Abel, aux enfans d'Israel, en Dauid, & infinité d'autres à l'endroit de leurs ennemis. Et en Exode 22. 20. il se dit ouuertement le garent & vengeur du tort qui est fait à la fefue, orphelin, au pauure, & à l'estranger. Soucions nous donc seulement d'estre enfans de Dieu : alors nous pourrons dire & nous asseurer auec Dauid Pseau. 118. 6. l'Eternel est pour moy, ie ne craindray point. Que me feroit l'homme ? Et auec S. Paul Rom. 8. 30. Si Dieu est pour nous qui sera contre nous ? Au