Luc 22. 55.

Et ayans allumé du feu au milieu de la cour, & s'estans assis ensemble, Pierre aussi s'assit au milieu d'eux, &c. iusques au vers. 60.

NOus vous auons autresfois mis en auant vn exemple fort remarquable de la misericorde de Dieu enuers les pauures pecheurs qui se repentent à bon escient de leurs pechez, en la persõne de Manassé Roy de Iuda, selon que l'histoire en est escrite au 33. chap. du 2. liure des Chroniques.

Maintenant nous vous en proposerons vn autre, tiré du nouueau Testament, en la personne de l'Apostre S. Pierre. Et pour mieux cognoistre & considerer la grandeur de la grace que Dieu lui a faite : deuant que de venir à l'histoire de sa repentance, nous parlerons premierement de son peché. Car comme on cognoit beaucoup mieux la grãdeur de la puissance & bonté de Dieu enuers vn homme auquel il a renuoyé sa santé, quand on sçait combien grieuement il a esté malade : ainsi aussi tant plus nous entendons qu'vn homme a grieuement offensé Dieu, tant plus cognoissons nous la grande grace que Dieu lui a faite de lui auoir pardonné les offenses qu'il a commises.

Toutesfois ce n'est pas nostre intention de nous arrester sur l'histoire de la cheute d'icelui, laquelle nous auons assez amplement deduit en exposant S. Matthieu : mais seulement de mettre en auant les doctrines & instructions que nous en deuons tirer. Car s'il y a histoire en toute l'Escriture saincte, qui merite d'estre attentiuement considerée, c'este ci le merite : y ayant en icelle vn exemple tresremarquable, tant de l'infirmité de l'hõme, que de la misericorde de Dieu ; lequel comme il permet que ses Eleus tombent quelquesfois bien lourdement, afin qu'ils apprennent à se cognoistre eux mesmes, & afin que d'autres apprennent à leur exemple, que l'homme n'a de soy-mesme aucunes forces pour perseuerer au biẽ, ainsi aussi sçait il bien trouuer les moyens de les releuer, afin que tant plus leur cheute a esté dangereuse, tant plus clairement reluise sa Rom. 5. misericorde enuers eux, comme S. Paul dit que là où le peché a abõdé, la a encore plus abondé abondé la grace de Dieu : de sorte que la consideration de ceste histoire seruira d'aduertissemẽt à ceux qui par la faueur de Dieu sont iusqu'à present demeurez constans en la foy & en la pieté, afin que selon l'exhortation de S. Paul, Philip. 2. ils s'employent à leur salut auec crainte & tremblement, & à ceux qui sont tombez, elle leur seruira à ce qu'ils esperent certainement qu'ils obtiendront remission de leurs pechez, par la misericorde de Dieu, pourueu que sans hypocrisie ils se repentent & se conuertissent à bon escient à lui.

En ce peché donc de S. Pierre nous deuõs premierement contempler comme en vn miroir l'infirmité de nous tous, voire que nous ne sommes rien, que nous ne pouuons rien quand Dieu nous laisse à nous mesmes, c'est à dire, quand il nous soustrait sa grace, quand il ne nous fortifie pas incessamment par l'assistance de son S. Esprit : que nous n'auons pas le pouuoir de faire aucun bien, mais que nous ne pouuons faire autre chose que de pecher, que nous ne pouuons demeurer fermes contre les tentations : mais que nous y succombons incontinent, si ce n'est que Dieu nous fortifie par son S. Esprit. S. Paul dit, Philip. 4. ie puis toutes choses en Christ qui me fortifie : & le mesme Apostre parlant des tribulations dit, Rom. 8. En toutes ces choses nous sommes plus que vainqueurs par celui qui nous a aimez, à l'opposite nous deuons dire, en toutes ces choses nous sommes incontinent vaincus & surmontez, si celui qui nous a aimez ne nous donne force pour y resister.

Il ne faut point de grand combat pour rompre les forces de l'homme, c'est bien tost faict de luy, quand Dieu ne luy assiste pas par son Esprit. Bref nous deuons apprendre par l'exemple de S. Pierre, que la victoire contre les tentations n'est pas en nostre puissance, que la constance ou perseuerance au bien n'est pas de nous, mais qu'il nous faut prier Dieu qu'il nous conforme au bien, & qu'il nous garde du mal : qu'il nous faut dire incessamment ne nous ind'huyindhuy point en tentation. Veillez & priez auoit dit nostre Seigneur, que vous n'entriez en tentation. S. Pierre auoit bien ouy cela, mais il n'auoit pas bien obtẽperé à c'este exhortation là que nostre Seigneur auoit faict à luy & à ses compagnons. Pourtant n'a il pas seulement esté tenté, mais il a succombé sous le fardeau de la tentation. Nous auons si peu de force de nous-mesmes, que nous perdons courage quand nous voyons seulement l'ombre d'vn combat, tant s'en faut que nous ayons assez de force pour soustenir vn grand combat, & repousser vn rude assaut. Pourtant deuons nous apprendre par c'est exemple à demander à Dieu force & constance, & n'estre n'estre point presomptueux à cause d'aucunes forces que nous ayons. Car autrement ce qui est aduenu à l'Apostre S. Pierre pour punition de sa presomption, cela nous peut aussi aduenir : lors que nous nous ioignons à l'Eglise reformée nous faisons de fort belles promesses. Nous promettons de ne nous iamais departir de la profession de la doctrine de l'Euangile, nous promettons de mettre peine de viure selon icelle, & de nous garder de donner scandale à nos prochains.

Mais il n'y a rien de tout cela qui soit en nostre puissance : pourtant faut-il demander à Dieu la grace de son S. Esprit, afin que ce que nous auons promis par son mouuemẽt & inspiration, nous le puissions effectuer & accomplir par son assistance. S. Pierre n'auoit pas moins de volonté d'accomplir ce qu'il auoit promis à nostre Seigneur, que nous en auons d'accomplir ce que nous promettons quand nous nous rangeons à l'Eglise : & cependant nous voyons combien vilainement & lourdement il est tombé. Pourtant dit S. Paul 1. Cor. 10. que celui qui 1. Cor. 10. cuide estre debout regarde qu'il ne tombe.

Cependant ce que nous disons ne tẽd pas à reuoquer en doubte la perseuerance des saincts, c'est à dire, nous ne voulons pas contredire aux passages de l'Escriture saincte, esquels il est promis que Dieu donnera à ses fideles la force de perseuerer : comme entre autres nous en auons vne fort belle promesse, Ier. 34.40 Ieremie 32. où Dieu dit, ie traiterai auec eux vne alliance eternelle, ie ne me retirerai point arriere d'eux, afin que ie leur face du bien, ains ie mettrai la crainte de moy en leur cœur, afin qu'ils ne se destournent point arriere de moy. Mais ces choses sont dites pour diuerses consideratiõs, quãd les fideles considerent combien certaines sont les promesses de Dieu, alors ils doiuent estre certains qu'il acheuera en eux la bonne œuure qu'il y a commẽcé, mais s'ils viennent à considerer leur infirmité & indignité, alors ils doiuent auoir crainte, à celle fin que c'este crainte là les incite à prier Dieu, & soit cause qu'ils se donnent garde de pecher, & qu'ils ne tombent point en vne securité charnele. Au reste au lieu que S. Pierre a renié nostre Seigneur en presence de tous ceux qui estoyẽt en la Cour du Souuerain sacrificateur, au lieu de cela nous le deuons confesser en presence de tous ceux qui nous interroguent de nostre creance.

Car c'est mal fait renier nostre Seigneur Iesus Christ deuant vn ou deux, & de le renier deuant plusieurs c'est encore pis. Car si ceux la sont infirmes en la foy, nous les scandalizons grieuement, & blessons leurs consciences par nostre exemple, voire nous les destournons de se mettre de la vraye Religion : que s'ils sont infideles, nous priuons nostre nostre Seigneur Iesus Christ de l'honneur que nous sommes tenus de lui rendre par la confessiõ de sa verité, & sommes cause que les ennemis de nostre Seigneur Iesus Christ tiennent moins de compte de sa doctrine, & la persecutẽt plus grieuemẽt ; par ce qu'ils se font accroire que nous en auons honte, veu que nous ne la voulons pas confesser franchement & rondement. Et à l'opposite quand ils voyent que nous sommes constãs en la profession de la doctrine du Fils de Dieu, toute occasion leur est ostée de la reietter : principalement quand ils voyent que nous demeurons constans en la profession d'icelle iusqu'à la mort, laquelle constance nous deuons prier Dieu qu'il nous donne à tous par son S. Esprit, afin que lui estans fideles Apoc. 2. 10. iusqu'à la mort, il nous donne la couronne de vie.

Nous deuons donc bien remarquer ce qui a esté dict, asçauoir que de nature nous n'auons aucune force pour resister aux tentations ou tenir bon à l'encontre d'icelles, afin de prier Dieu incessamment qu'il nous donne force pour les surmonter. Secondement nous deuons apprendre de c'est exemple, qu'il peut aduenir mesmes aux plus gens de bien & aux plus zelez de commettre les crimes les plus enormes, si Dieu ne les tient en bride par son S. Esprit, & qu'il n'y a ni la cognoissance de Dieu, ni la profession de la foy, ny l'ouye de la parole de Dieu, ni la reception des sacremens, par lesquels la foy est confermée, qui les puisse garder de pecher. S. Pierre estoit vn excellent personnage, car comme les Apostres ont esté les principaux entre les Chrestiẽs, aussi S. Pierre a esté non pas voirement le chef des autres Apostres, ou Princes par dessus les Apostres, comme ceux de l'Eglise Romaine parlent, mais il a esté l'vn des principaux Apostres : comme aussi il est Gal. 2. compté entre ces trois lesquels S. Paul appelle colomnes, comme si vous disiez Piliers de l'Eglise Chrestienne. Nostre Seigneur luy auoit faict cest honneur de le laisser entrer auec soy, ensemble Iaques & Iean, lors qu'il auoit ressuscité la fille de Iairus, s'çauoit esté l'vn des trois qui auoyent veu la transfiguration d'iceluy en la montagne. C'estoit l'vn des trois que nostre Seigneur auoit voulu estre tesmoins de ses souffrances, lors qu'il estoit entré au iardin en la montagne des oliuiers, & ausquels il auoit dit, mon ame est saisie de tristesse Matth. 16. iusqu'à la mort. S. Pierre auoit dit à nostre Seigneur, Tu es le Christ, le fils du Dieu viuant. Lors que nostre Seigneur luy auoit dit, en ceste nuict ci, auant que le coq chante tu me renieras trois fois, il luy auoit respõdu Marc 14. Marc 14. Quand il me faudroit mourir auec toy, ie ne te renieray point. Et en ce 22 ce 22. chap. de S. Luc est recité qu'il auoit dit, Seigneur ie suis prest d'aller auec toy, & en prison, & à la mort, Iean 13. Il auoit dit, Iean 13. ie mettrai mon ame, c'est à dire ma vie, pour toy. S. Pierre auoit receu c'este nuict là la S. Cene : il auoit ouy tant de belles exhortations à constance qui sont recitées Iean 13. 14. 15. & 16. nostre Seigneur l'auoit aduerti particulierement de ce qui luy deuoit arriuer, & cependant tout cela n'a point empesché qu'il ne soit lourdement tombé. Car il y a eu en la faute d'iceluy plusieurs pechez ensemble. Premierement, la presomption, qu'il a trop attribué à ses forces. Secõdement, le mespris de ses compagnons, qui repugne à la charité, qu'il a estimé que ses compagnons pourroyẽt bien estre scandalizez en nostre Seigneur, mais non pas luy. Tiercement l'incredulité, qu'encore que nostre Seigneur eust affermé qu'il luy aduiendroit de le renier, il ne l'a pas creu, iusqu'à ce qu'il en a veu l'experience. Quartement la securité & temerité, qu'il s'est allé ietter en vn danger lequel il pouuoit bien euiter, lors qu'il s'est allé chauffer auec les seruiteurs des plus grãds ennemis de nostre Seigneur. 5. au premier reniement il y a eu du mensonge. 6. en tous les trois il y a eu vne ingratitude insupportable à l'encontre de nostre Seigneur Iesus Christ, duquel il a parlé comme si iamais il ne l'eust cogneu, ou comme si iamais il n'eust receu aucun bien faict de luy, comme ainsi soit que nostre Seigneur luy eust dict vn peu au parauant, i'ay prié pour toy afin que ta foy ne defaille point, 7. au deuxiesme reniement il y a eu vn abus du iuremẽt, & au troisieme vne malediction contre soy mesme, contre sa propre conscience, laquelle sans les autres pechez eust esté suffisante pour le damner, si Dieu ne lui eust faict misericorde : tous ces pechez se sont rencontrez par ensemble en ces reniemens de S. Pierre, si nous les voulons bien peser & considerer.

En 3. lieu nous voyons par ceste histoire, que si vne fois nous laschons la bride au peché nous n'y tenons point de mesure, ains nous tombons tousiours plus lourdement & auec plus de danger : car nous voyons ici que S. Pierre du mensonge ou de la simple negation de la verité est venu à iurer mal à propos, & de là à se maudire soy-mesme, comme aussi nous auons vn exemple de cela en Dauid, lequel d'adultere est deuenu meurtrier : dont nous deuons apprendre, qu'il nous faut euiter les commencemens des pechez. Car si vne fois nous leur ouurõs la porte, Satan ne cessera point, s'il peut, iusqu'à ce qu'il nous embrasse tellement en ses pieges, que nous aurons beaucoup de peine de nous en depestrer, cõme aussi nous voyons en Simeon & Leui, lesquels ayans esté meur meurtriers des hommes de Sichem, & ayans tué les innocẽs auec les coupables, sont deuenus puis apres rauisseurs à l'endroit des femmes & du bestail d'iceux. Et ainsi les freres de Ioseph d'enuieux qu'ils ont esté contre lui sont deuenus plagiaires, c'est à dire larrons d'hommes, l'ayans vendu à des marchans pour estre esclaue en Egypte, & peu s'en est falu qu'ils ne l'ayent mis à mort.

Mais comment est aduenu cela, que sainct Pierre est tombé en vn tel abysme de pechez ? cela est aduenu par ce que Dieu a retiré de lui en ce faict particulier la grace de son S. Esprit, laquelle eust esté necessaire pour le fortifier, comme il est dit du Roy Ezechias que quand les Ambassadeurs des Princes de Babylon furẽt enuoyez vers lui, 2. Chr. 32. Dieu le delaissa pour l'esprouuer, afin de cognoistre tout ce qui estoit en son cœur : ainsi pouuons nous dire de S. Pierre qu'il est bien vray qu'il auoit au parauant demonstré vn zele ardent, & vne grande amour enuers nostre Seigneur Iesus Christ : mais qu'apres que sans auoir esgard à l'aduertissement que nostre Seigneur luy auoit donné, il fut entré en la Court du Souuerain sacrificateur, Dieu le delaissa, & permist qu'il succombast sous la tentation, à celle fin qu'il recogneust qu'il n'estoit pas si constant qu'il pensoit estre. Car S. Pierre eust mieux faict lors que nostre Seigneur luy predit qu'il luy aduiendroit de le renier, s'il l'eust supplié de prier Dieu pour lui, afin qu'il ne la laissast point tomber si lourdement que cela, comme Simon Act. 8. le magicien disoit à Pierre & à Iean, vous autres priez pour moy enuers le Seigneur, afin que rien ne vienne sur moy des choses que vous auez dites, que de penser que cela ne lui aduiendroit point, encore que le fils de Dieu, qui est la verité mesme, non seulement l'eust predit, mais aussi eust affermé qu'il lui aduiendroit.

Dirons nous donc que S. Pierre par c'este cheute ait du tout perdu le S. Esprit ? non. Car nostre Seigneur luy auoit dict, i'ay prié pour toy, à fin que ta foy ne defaille point & nous ne deuons point doubter que la priere de nostre Seigneur Iesus Christ n'ait esté exaucée. Que si la foy est demeurée en S. Pierre, le S. Esprit aussi sans lequel la foy ne peut estre, est demeurée en luy. Quand donc nous auõs dit que Dieu a retiré la grace du S. Esprit de S. Pierre, cela ne se doit pas entendre comme si S. Pierre n'auoit plus eu le S. Esprit du tout : mais il luy est aduenu comme à vn homme yure, lequel semble n'auoir point de raison, parce que durant qu'il est ainsi yure, il n'a pas ou il ne monstre pas qu'il ait l'vsage de la raison : Mais apres qu'il a cuué son vin, alors on voit manifestement que la raison n'estoit pas du tout departie de luy. Le S. Esprit estoit resté en S. en S. Pierre comme la chaleur naturelle en vn homme qui deuient tellement froid par maladie, qu'il semble qu'il soit mort, comme ainsi soit que la chaleur naturelle est encore aupres de son cœur, ou comme vn homme blesme, duquel il semble que le sang se soit retiré : ainsi le S. Esprit est demeuré en S. Pierre iusques là, que son cœur n'a pas pensé ce que sa langue disoit, c'est à dire sa langue a dit d'vn, & son cœur a pensé d'autre : mais le S. Esprit n'a pas esté en luy iusques là, qu'il ait osé confesser de bouche, ou donner à cognoistre par paroles, l'amour qu'il portait à nostre Seigneur en son cœur : ou si nous voulons dire cecy plus brieuement, le S. Esprit est demeuré au cœur de S. Pierre, mais il n'a pas monstré sa vertu, & n'a pas gouuerné en ce fait ici la langue d'iceluy. C'est en ce sens la que i'ay dit, que Dieu luy a soustrait l'assistence du S. Esprit, par ce que le S. Esprit ne luy a point assisté si auant, que pour luy faire la grace de dire de sa bouche la mesme chose qu'il auoit en son cœur.

Et faut noter, que combien que Sainct Pierre soit fort lourdement tombé, si est-ce que toutesfois sa cheute lui a serui, à ce qu'apres auoir cogneu par experience combien grande estoit son infirmité, il fust puis apres plus diligent à prier Dieu qu'il le fortifiast, comme aussi S. Pierre tant plus il s'estoit monstré craintif en ce faict icy, tant plus courageux & constant a il esté puis apres, comme nous voyons en quelques endroicts des Actes des Apostres, lui qui auoit eu si peur de la Chambriere du Souuerain sacrificateur, que parlant à elle il auoit nié qu'il fust des disciples du Seigneur, n'a pas puis apres craint le Souuerain sacrificateur mesmes, ni tous ses assesseurs : ains il leur a dit, Act. 4. Iugez vous mesmes, s'il est raisonnable que nous vous obeissions plustost qu'à Dieu. Car nous ne pouuons que nous ne disions les choses que nous auons veuës & ouyes. & au 5. chap. Il faut plustost obeir Dieu qu'aux hommes. Ainsi aduient-il quelquesfois que ceux qui n'estoyẽt pas si diligẽs qu'ils deuoyent estre à se donner de garde des tentations, & qui viuoyent en quelque façon en securité, quand il leur est aduenu de tomber en quelque grief peché, alors ils prennent de plus pres garde à eux, & sont plus diligens au seruice de Dieu, & plus ardens & zelez à le prier qu'ils n'auoyent esté au parauant.

En 4. lieu nous deuons remarquer sur c'este Histoire de sainct Pierre, que mesmes les saincts seruiteurs & esleus de Dieu s'aheurtent quelquefois plus d'vn coup à vne mesme peine : car nous voyons que durant l'espace d'enuiron vne heure & demie S. Pierre a renié nostre Seigneur par 3. fois. Ainsi Ainsi a dit Abraham par 2. fois que Sara sa femme estoit sa sœur, vne fois en Egypte Genes. 12. & vne autre fois entre les Philistins Genes. 20. lesquels exemples ne nous doiuent pas seruir afin que nous ne nous flattions nous mesmes : mais plustost afin que nous ne prononcions pas temerairement sentence de condemnation à l'encontre de ceux, qui par infirmité humaine ont commis vne mesme faute deux fois, ou encore plus, comme s'ils auoyent d'espouillé toute crainte de Dieu, ou comme si ils ne pouuoyent plus obtenir aucune remission de leurs pechez. Il est vray qu'il est dit Eccles. 7. Ne redouble point les liens de peché : Car mesmes pour vn seul tu ne seras point impuni. & au chap. 12. Ne continue point le peché en redoublant : car tu ne demeureras point impuni, n'y en eust-il qu'vn seul. Mais ces passages-la nous doiuent seruir d'aduertissement pour estre sur nos gardes, afin de ne point tomber deux fois en vn mesme peché : mais c'est exemple de S. Pierre nous doit seruir de consolation, si desia il nous est aduenu par infirmité humaine, & non point par vn malicieux mespris de Dieu, d'estre tombez deux fois ou plus en vn mesme peché, afin que nous ne doutions point de la misericorde de Dieu, pourueu que nous n'y continuions plus.

En 5. lieu nous deuons remarquer cy dessus, que combien que les saincts tombent quelquefois en de tres-lourdes fautes, toutefois Dieu ne permet point qu'ils pechent à mort, de peur qu'ils ne tombent en damnation, mais s'ils sont tombez il les redresse & les releue, à celle fin qu'il demonstre sa misericorde en les sauuant, comme il demonstre sa iustice en damnant les reprouuez. Vray est que S. Pierre a grieuement peché : mais tant y a que Dieu n'a point permis qu'il soit tombé au peché qui est irremissible. Ainsi ont grieuement peché Dauid, Manassé, & le Brigand duquel il est parlé au 23. chap. de c'est Euangile : mais cependant Dieu les a redressez par repentance, & n'a point permis qu'ils tombassent en damnation.

D'icy aussi nous pouuons recueillir en 6. lieu que Dieu pardonne non seulement les pechez qui sont commis par ignorance, mais aussi ceux que l'homme commet sachãt biẽ qu'il fait mal : pourueu qu'ils ayẽt esté cõmis par infirmité de la chair, & nõ poĩt par vne malice deliberee, & que tout peché que l'homme commet contre sa conscience n'est pas le peché irremissible contre le sainct Esprit, voire mesme que toute espece de reniemẽt ou d'abjuration de la verité cognuë n'est pas ce peché-là : car c'est chose certaine que S. Pierre a peché contre sa conscience, il n'a pas peché par ignorance, comme me faisoit S. Paul lors qu'il persecutoit l'Euãgile. Car S. Paul ne sçauoit pas que la doctrine de l'Euangile fust vne doctrine de Dieu : mais S. Pierre sçauoit bien que Iesus estoit le Christ, qu'il parloit mal de dire qu'il ne le cognoissoit pas, & qu'il n'estoit pas son disciple. Si S. Pierre fust tombé iusques en c'este impieté, que de renier par vne malice volontaire & deliberee, & par haine qu'il eust conceuë à l'encontre de no-nostre Seigneur Iesus Christ, la doctrine d'iceluy, de laquelle il sçauoit bien que c'estoit la verité, & eust blasphemé à l'encontre d'icelle, alors il eust commis ce peché contre le S. Esprit, lequel nous disons qu'il n'a pas commis, & il n'eust point obtenu de pardon d'vn tel peché, voire mesme Dieu ne lui eust point fait la grace d'auoir repentance, comme il appert par le 6. chapitre de l'Epistre aux Hebrieux. Or nous entendrons puis apres que Dieu lui a donné repentance : dont nous concluons certainement qu'il n'a point commis ce peché irremissible contre le S. Esprit. Il a renié nostre Seigneur, nõ pas par malice, mais par crainte excessiue & demesuree. Il n'a pas dit aussi, ie ne cognois point ce seducteur-là, ou ce meschant homme-là, car s'il eust ainsi parlé il eust blasphemé, mais il a dit simplement ie ne cognoy point c'est homme. Cecy nous doit seruir afin que nous ne condamnions point tous ceux qui par crainte excessiue durant les persecutions, ont renié ou mesmes abjuré la verité de Dieu, & que nous ne desesperions point du salut d'iceux. Il est vray qu'il faut tousiours condamner le peché, & dire que c'est mal fait, quiconque ce soit qui le cõmette : mais il faut prier Dieu pour les personnes, assauoir pour ceux qui sont tombez non point par malice ou haine de la verité, mais par infirmité de la chair. Car Dieu qui a releué S. Pierre les pourra bien aussi releuer. Mais aussi d'autre costé, comme nous ne deuons condamner personne temerairement, aussi ne faut-il pas que nous ensuiuions les pecheurs en leurs pechez. Car comme l'inceste de Lot, ou son enyurement, l'enyurement aussi de Noé, l'adultere de Dauid, le peché de Salomon qui est tombé en Idolatrie, ne nous sont pas recitez afin que les ensuiuions, mais afin que nous apprenions que tous ont besoin de recourir à la grace du benefice de nostre Seigneur Iesus Christ Redempteur, & aussi que nous prions Dieu qu'il nous face la grace de n'y point tomber, ainsi aussi la cheute de S. Pierre ne nous est point recitée afin que nous tombions comme lui, ains plustost afin que nous soyons sur nos gardes, & que nous prions Dieu diligemment, à ce qu'il nous conferme en la foy, afin que nous demeurions constans en la profession de sa verité. Comme Comme si quelqu'vn disoit, vn tel est tõbé en la riuiere, peu s'en est falu qu'il ne se soit noyé : cela ne nous doit pas donner occasion de nous aller ietter en la riuiere, soubs ombre que l'autre en est eschappé. Ainsi l'histoire de la cheute de S. Pierre ne nous est point recitee, afin que nous renions nostre Seigneur Iesus Christ, mais plustost afin que si l'infirmité de la chair nous a portez iusques- là, que nous nous soyons reuoltez de son seruice, ou que nous ayons esté espouuantez, pour ne point faire profession de sa verité, nous ne cõtinuions pas en c'est horrible peché-là, mais que nous ensuiuions S. Pierre en sa repentance, afin qu'auec lui nous obtenions de Dieu la remission de nos pechez.

En 7. lieu l'exemple de S. Pierre nous doit seruir de doctrine & d'aduertissement, afin que pour euiter les pechez nous euitions les occasions d'iceux, qui nous pourroyent inciter à les commettre. Il nous doit enseigner que nous deuons fuir la compagnie & la frequentation des meschans, qui nous pourroyent soliciter à offenser Dieu. Si quelqu'vn a des habits blancs, & il les veut garder blancs, il ne faut pas qu'il les frote contre ceux des charbonniers ou contre les sacs d'iceux, si quelqu'vn a des habits noirs, & il les veut garder nets, il ne faut pas qu'il aille au moulin, ou en d'autres lieux esquels il pourroit tomber de la farine sur iceux, il ne faut pas qu'auec iceux il aille seruir les massons. Celui qui veut demeurer chaste & pudique, il ne faut pas qu'il frequente les paillards ny les paillardes : celui qui veut demeurer bon mesnager, il ne faut pas qu'il frequente les prodigues & les ioueurs : celui qui veut demeurer loyal & fidelle, il ne faut pas qu'il frequente les larrons : celui qui ne veut point s'enyurer, il ne faut pas qu'il frequente les tauerniers, ni les compagnies des yurongnes : celui qui veut demeurer homme de bien, il ne faut pas qu'il frequente : les voleurs : celui qui ne veut point apprendre à blasphemer, il ne faut pas qu'il frequente les blasphemateurs, celui qui ne veut point renier nostre Seigneur Iesus Christ, il ne se doit pas legerement trouuer és lieux, l'à où on ne le peut confesser sans grands dangers. Car qui touche Eccles. 13. 1. la poix il sera taché, & qui communique auec l'orgueilleux deuiendra semblable à lui : Pseau. 26 & voila pourquoi Dauid dit, Meschantes compagnies, i'ay tellement hayes, que ne m'en suis point accointé : & Salomon dit és Prouerbes chap. 1. Mon fils si les pecheurs te veullent attraire, ne t'y accorde point, &c. mon fils ne te mets point en chemin auec eux, retire ton pied de leur sentier. Plusieurs ne pensent pas au peché lequel ils cõmettent puis apres, ou au malheur auquel ils ils tombent, quand ils se trouuent en des lieux dangereux, ou auec des gẽs meschans : Dina ne pensoit pas à la paillardise quand elle alla en Sichem, elle ne pensoit guere qu'elle y deust estre violee, autrement elle fust demeuree aupres de sa mere en la maison, mais seulement la curiosité la portoit là pour aller voir les filles du pays, peut estre pour voir comment elles estoyẽt habillees ou coiffees : & cependant nous voyons en quel inconuenient elle est tombee. Pourtant faut-il que nous euitions les occasions de pecher, si nous hayssons le peché, & que nous fuyons les compagnies des meschans, auec lesquels nous ne pourrons pas subsister si nous voulons seruir à Dieu.

Et principalement ceux ausquels Dieu a donné la cognoissance de l'Euãgile doiuent apprendre par ceste cheute de S. Pierre de fuir les Courts des Prelats de l'Eglise Romaine. Car s'ils se veulent chauffer à leuleur feu, c'est à dire estre participans de leur grasse cuisine, ou auoir par à leur marmite, ils se mettent en dãger de renier nostre Seigneur Iesus Christ, ou s'ils le veulent confesser, leur langage les donnera à cognoistre, & ils ne seront en seurté en ses Courts là ni quant à l'ame ni quant au corps.

Nous deuons aussi retenir de ceste Histoire de la cheute de S. Pierre, qu'il ne nous faut point perdre esperãce du salut d'aucũ homme quelque lourdement qu'il soit tõbé, quãd nous voyons que Dieu lui a donné vraye repentance pour se releuer de sa cheute : & la vraye repentance est celle qui se monstre par ses fruicts : quand l'hõme non seulement conoit & cõfesse ses pechez, mais aussi qu'il Prou. 28. les delaisse, cõme Salomõ dit és Prouerbes, qui cache ses mesfaits il ne prosperera point, mais celui qui les confesse & les delaisse obtiendra misericorde, & qu'il fait le contraire du mal qu'il auoit fait, comme il est dit Psea. 34. destourne toi du mal, & fai le bien, cõme nous auons tantost entendu que tant plus S. Pierre s'estoit monstré craintif en reniant nostre Seigneur, tant plus s'est-il puis apres monstré hardi & courageux à le confesser : & a monstré qu'il ne se soucioyt en façon quelconque de toutes les menaces de ceux qui le vouloyent empescher de prescher la doctrine du Sainct Euangile, & qu'ils auoyent beau lui defendre de plus prescher au nom de Iesus.

Voila les doctrines & instructions que nous auons à remarquer sur la cheute de S. Pierre. Celles que nous auons à remarquer sur la repentance d'icelui seront remises à vne autre fois moyennant la grace de Dieu, auquel pour tous ses benefices enuers nous soit honneur & benediction à iamais. AMEN.