Aussi l'esprit de Dieu,qui est tout bonté & vérité, n'administre iamais la consolation, qu'il n'y ioigne l'instruction, comme il n'y a nulle vraye bonté sans iustice, nulle paix de conscience sans amendement, nulle ioye certaine sans une severe sagesse, qui la rend solide, & nulle reconciliation de Dieu à nous,qui ensemble ne nous reconcilie & convertisse à luy.

C'est une viande sans sel, & une douceur fade qui fait mal au cœur, que les consolations telles que demande la chair,qui n'osent dire aucune verité fermement. Ce sont remedes, qui iamais ne guerissent la playe , n'y entrans iamais, & ne la nettoyans point.

Or, quoi que S.Paul entre par une douce censure des defauts des Hebrieux,neãtmoins, ayant esgard De qui est l'exhortation à ceste iournée,commençons par la qualité de Pere & de Fils,&des reciproques devoirs. Salomon dit, Mon fils : mais si vous regardez,qui parle par sa bouche , vous trouverez que ceste douce appellation viẽt de plus haut.C'est bien un terme ordinaire, ou de bienveuillãce, ou d'authorité entre les hommes , que le plus aagé nomme fils le plus ieune,le plus grãd par humanité parle ainsi au moindre, & le Docteur au disciple,comme I. Sam. 3.6. Heli appelle Samuel son fils , S. Iean ceux ausquels il escrit ses petis enfãs. Mais il y a ici un autre mouvement: car la sagesse divine instruit ses disciples: Et és paroles suivãtes attribue à Dieu mesme l'affection paternelle& amour envers ceux qu'il chastie. L'Eternel redargue celui qu'il aime,mesme cõme fait un Pere envers l'efantenfant qu'il aime , dit Salomon. De sorte que nous pouvons vons dire avec N. Seigneur: il y a ici un plus grãd que Salomon;nous avõs un Pere plus grãd que celui qui a escrit, Mon fils,Escoute l'instruction de ton pere. Car c'est Dieu,qui nous appelle ses enfãs, selõ les clauses expresses de son alliãce, & nous parle cõme à tels,&nous traitte aussi en enfãs. Ce que S.Paul a biẽ cõsideré,quãd il a dit,il parle cõme à des enfasenfants , nous amenãt par là à ceste tãt necessaire consideration du droit divin,&amour paternel de Dieu.

Il est vrai que par la creatiõ, Dieu Dieu est notre Pere non seulement par la creation. est le souverain Pere, duquel toutes choses procedent & dependẽt.C'est lui duquel toute parenté est nommée au ciel & en terre , dit S.Paul. C'est lui, qui, Ephes. 3.15 comme dit le Prophete, donne aux creatures la vertu d'engendrer & enfanter : Esa. 66.9. qui est en ce premier esgard Dieu de tous,Pere commun de tous. N'avons-nous Malac.2.10 pas tous un Pere, un seul Dieu fort,ne nous a-il pas creés , dit Malachie. Mais en l'alliãce de grace,ceste qualité a des particularitez speciales,qui nous apportent une merveilleuse utilité mais specialement par grace & consolation : car l'homme par le peché s'estant rendu indigne de ce nom, qu'il eust eu avec la nature en la creation, avoit esté chassé de la maison. Or Dieu rappellant ceux qui appartienent à sa grace,par son Evangile , maintenant se nomme tel proprement en son Eglise. Là il se declare Pere , qui adopte, & regenere. Deut. 32.6.15 N'est-il pas ton Pere qui t'a acquis, icelui t'a fait & façonné , et là mesme dit Moyse, Tu as mis en oubli le Dieu,le Dieu fort qui t'a formé . Aussi l'Eglise en Esaye le reconnoist tel. Esa. 63.16 Certes tu est nostre Pere, encore qu'Abraham ne nous reconnust point,& qu'Israël ne nous avoüast point. Eternel c'est toy qui es nostre Pere, & ton Nom est nostre Redempteur de tout tẽps , & au 64. Maintenant, tenant, ô Eternel tu es nostre Pere,& nous Esa. 64.8. sommes l'argille,tu es celui qui nous a formez, & nous sommes l'ouvrage de ta main . Aussi en Ieremie, nostre Seigneur prend ce mesme titre. Ne crieras-tu Ier.3.4.19. point desormais vers moi,mon Pere, tu es le conducteur de ma ieunesse , & peu apres, comment te mettrai-ie entre mes fils? Et i'ay dit, Tu me crieras mon Pere,&ne te destourneras point arriere de moi. Et ailleurs, I'ay esté Pere à Ier. 31.9. v.20. Israël, Ephraim mon premier né , mes entrailles se sont esmeuës à cause de lui . Dequoi en Malachie , il tire la consequence du reciproque devoir des enfans. Le fils honore le Pere,&le serviteur Malach.1.6. son Seigneur. Si donc ie suis Pere, où est l'honneur qui m'appartient? & si ie suis Seigneur,où est la crainte?

Ces declarations,faites dés le Vieil Je declare tel ouvertemẽt en Iesus Christ. Testament ont bien esté plus esclaircies & accreuës en la revelation du Nouveau. Car Iesus Christ le propre Fils, & l'unique du Pere estãt venu au monde, & s'estant fait nostre frere, nous avons une ouverture plus grãde & plus claire. Dieu mesme s'est manifesté 1.Tim.3.16 en chair , le Pere s'est en lui manifesté à nous,& en sa face a relui la misericorde & charité de nostre Dieu: qui nous parle vrayement en Pere,& nous traitte en enfans,&se monstre, non en qualité de Legislateur & de iuge, mais de Pere misericordieux. Ieh.14.7.8 Qui m'a veu, dit le Seigneur, à veu mon Pere. Si vous me cõnoissiez, vous cõnoistriez aussi mon Pere, & maintenant Ieh.1.18 vous le cõnoissez & l'avez veu : aussi nul ne pouvoit reveler le Pere, que le Fils qui est au sein du Pere . Nul ne nous pouvoit donner part à l'adoption que celui qui estoit l'heritier unique. C'est lui qui nous a enseignez à dire, Nostre Pere, & qui nous asseure, que tout tout ce que nous demanderõs en son Nom, il le fera,à ce que le Pere soit glorifié par le Fils. C'est de lui & par lui que nous avons l'Esprit du Fils, obtenu de la grace du Pere, par lequel nous crions, Abba Pere. C'est lui qui veut, que nous ne connoissions pour Pere qu'un seul,qui est Dieu. N'appellez aucun en la terre vostre Pere : Car un seul Matth.23.9 est vostre Pere, asçavoir Dieu qui est és cieux . C'est lui, qui nous propose son Pere, reigle de toute perfection, pour exemple,que nous devons imiter en bonté , saincteté & misericorde. Bref, c'est lui mesme, qui Matth.5.48. nous a monstré par son propre exemple, qu'il ne falloit cercher la gloire que de ce Pere , ni attendre pleine beatitude qu'en ceste maison de son Pere, en laquelle il y a plusieurs Iean 14.2. demeurances . Somme, c'est par Iesus Christ que nous avons connoissance par revelation, accés par foi en un mesme Esprit, communion eternelle en pleine felicité avec le Pere.

A les vrayes qualitez de Pere. Pere, qui vrayement est digne de ce nom par dessus tout ce qui peut estre nommé & qualifié tel, soit par generation,soit à cause de l'authorité, soit pour la conduite, soit eu esgard à la charité. Au prix d'icelui, nous qui sommes, peres de la chair , comme parle S. Paul en ce mesme passage: & qui, comme dit Iesus Christ, sommes vrayement mauvais, ne meritons pas de porter ce tiltre:& faut que lors qu'il s'agist du rapport de l'homme à Dieu, qui est si haut, si grand, & infini, nous reconnoissions, que les petites differences,qui sont ça bas , de Pere,de fils , de maistre, de serviteur,de Seigneur,de subject, d'ancien,de ieune,de Docteur, de de disciple , sont presque toutes englouties & esgales à cest esgard là, comme la difference des estoiles à la venue du Soleil. Consideration tres-importante,toutes & quantesfois on traitte de religion,pour n'opposer iamais aucun de ces respects, ou affections,ni à Dieu, que la conscience doit reconnoistre pour seul Pere, ni à son service, qui doit estre preferé à toutes choses.

Et de faict les hommes, qui ont l'honneur d'estre peres, ne le sont que selon la chair,ne le sont que tandis qu'ils sont au monde, ne peuvent produire des enfans conformes à leur volonté , ni faire que bien peu de ce qu'ils desirent pour le bien des leurs. Bref, ne peuvent empescher, que la mort ne les prive de ce qu'ils ont de plus cher. Mais l'Eternel, qui nous a engendrez, d'une semence incorruptible, 1.Pier.1.23. qui est la parole de sa verité , nous a connus devant que nous fussions, & nous a predestinez pour estre Rom.8.28 conformes à l'image de son Fils , nous a de Iaq.1.18 sa volonté, dit S.Iaques, engendrez afin que nous fussions premices de ses creatures : & nous ayant aimé pour nous former, forme puis apres dedans nous son image, afin qu'il nous rende capables de sa communion. Les Peres aiment ceux qu'ils ont engendrez. Mais nostre Dieu nous engendre, pource qu'il nous a aimez. C'est lui,duquel le nom est invoqué sur nous, & qui veut que nous portions sa marque & son enseigne; & Hebr.1.16. quant à lui, ne prend point à honte & et à desdain, de se dire nostre Dieu, Dieu d'Abraham,d'Isaac, & de Iacob . Pere Ieh.14.18 qui ne meurt point , ne laisse iamais les siens orphelins , & ne cesse iamais d'estre Pere. Aussi la mort ne lui peut peut ravir les enfans, ains les transfere de la terre au ciel : & les despoüille de la robbe soüillee du vieil Adam , pour les revestir des vestemens de gloire du premier né. Les Peres terriens ne laissent l'heritage à leurs enfans, que quand la mort le leur oste. Mais le Pere celeste, vivant eternellement , nous donne pour heritage , communion de sa vie, & iouyssance d'une gloire eternelle. C'est bien ce Pere là, qui thesorize 2.Cor.12.14 pour ses enfans , & n'ayant besoin de chose aucune pour soi, pourvoit toutes choses necessaires au salut des siens. C'est celui duquel disoit David, Quand ie n'auroy pour Pse.27.10. moi pere ni mere, mon Dieu sera pour moy quoi qu'il en soit . Que vostre Pere terrien & d'embas, &tous vos parens vous mes-connoissent, renient, reiettent, & desdaignent, pourveu que ce grand & Eternel Pere vous advouë & reconnoisse, c'est assez. Que vous ayez tous les adveus, tous les tiltres,armoiries,noms, & honneurs des meilleures maisons, & des plus riches & Nobles Peres du monde, soyez enfans de Roy, de Prince,soyez issu d'Abraham,de Iacob, de David selon la chair, soyez frere de IesusChrist selon le corps,& de mere,si cela se pouvoit. Tout cela ne vous servira de rien, si Dieu ne vous advouë & ne vous reconnoist pour siens : voire mesme Abraham & Moyse desadvoüent du rang de leur posterité celle que Dieu rejette & desdaigne.Et nul ne peut se nommer Matth. 3.9. Ieh. 5. 45. Ieh. 8. 39 Act.3.25 enfant des Prophetes , ou successeur des Apostres, si tout premierement il ne monstre, qu'il est issu de Dieu .

Qui sont les vrais enfans Quiconque prend garde aux qualitez de ce Pere, entend aussi tost & par par necessaire consequence,ce qui se doit trouver en ceux qui sont enfans de Dieu.

Qui ne sont point nés de sang,ni de la Iean 1.13 volonté de la chair, ni par ce que plus elle aime, ni par la volonté & discretion d'homme,mais De Dieu . Qui ne se sont point engendrez eux-mesmes, mais ont receu tout ce qu'ils ont de nouvelle naissance par la grace de Dieu; & ne partagent point avec le Seigneur, pour se dire moitié de sa grace, moitié de leur volonté: car ils confessent que s'ils ont aucune 2.Cor.3.5. bonne pensee , aucune saincte volonté, c'est Dieu qui la leur a donnee. Et entre les autres dons,reconnoissent que la parole de Dieu est la semence de leur nouvelle generation: & l'Esprit, la cause puissante , par laquelle ils sont conceus & formez. Nul ne peut entrer au royaume des cieux, Ieh.3.5.&6. s'il n'est né de cest esprit,car ce qui est chair, Gal.6.8. est chair ,& de ce qui est semé en la chair, on recueille corruption.

Or, comme les enfans,en recevant l'estre naturel de leurs majeurs,en tirent aussi par la nature quelque ressemblance: ainsi les enfans de Dieu, portent en leur cœur l'image de leur Pere celeste, & la monstrent en leur vie. Car si nous avons porté celle du Terrien, combien plus devons nous celle 1.Cor.15.49 du Celeste . En vain s'appelle Fils celui, qui n'a ni affection, ni volonté, ni qualité,ni veine,qui retire ou ressemble à une si haute origine. C'est par là que l'on les reconnoist enfans du Treshaut : la gloire du Seigneur reluit sur les siens par effects semblables à la cause ; comme la lumiere se connoist à sa resplendeur,& le Soleil à la clarté:ainsi Dieu estant lumiere, tout ce,qui en procede,la fait,la porte, te, la monstre:qui peut cacher le feu, enfermer la lumiere, dissimuler le iour? Les enfans de lumiere sont reuestus Rom13.12. des armes de lumiere ,& ne peuvent estre en tenebres.

Bref, comme ceux qui sont enfans, ont droit en l'heritage paternel, par le titre d'ẽfant qui precede toute autre qualité:& ne le veulent pretẽdre, comme les ouvriers demandent un salaire,pour estre payés,mais comme enfans issus du Pere, & domestiques de la maison.Ainsi les enfans de Dieu savent,qu'il y a un heritage preparé, qui suit la nature & conditiõ de leur extraction & generatiõ,laquelle,cõme elle est toute de misericorde,aussi leur esperance est de grace.Iamais fils ne sçauroit estre si mal advisé de dire,qu'il a merité la qualité de Fils. Iamais,s'il est fils d'un Pere,qui a dequoi, ne pretendra la succession par autre qualité que celle d'heritier.Iamais, qui qu'il soit,ne sçauroit par ses services espuiser la grandeur des obligations, qu'il a envers sont Pere. Et que dira l'homme de son obligation envers Dieu?Et quel plus asseuré tiltre,que d'enfant,heritier de Dieu, & coheritier de Iesus Christ?

Dieu nous parle en Pere Mais il est temps,que nous oyons ce qui est attribué à ce Pere Eternel. Il parle,& fait. Il parle comme à ses enfans . Nous ne restreignons pas ceste observation de l'Apostre à Salomon : mais la portons plus haut : & ne la reserrons point seulement en ceste sentence,qui veritablement est paternelle:mais l'estendons plus loin selon la mesme verité Car un des tesmoignages de la grace Paternelle de Dieu , est sa Parole envers nous. Il agit en tout le cours de sa Providence, & toutes les creatures dependent de de sa puissance & volonté : mais sa parole proprement , n'est que pour ceux qui l'entendent : & ne l'entendent que ceux,qui ont son image,& par la reflexion d'icelle se retournent à lui. Les grandes œuvres de Dieu en la nature sont communes à toutes personnes : le Soleil,& la Lune, & les estoiles, les elemens, les saisons, & les fruicts de la terre,& autres tels benefices appartiennent à tous. Act.14.17 Mais la Parole est le propre fonds de l'Eglise. Ta loy est mienne , & mon cœur prise l'a, comme un droict fonds & La parole de Dieu est marque de l'Eglise Ps.119.111. son propre heritage . Le Soleil & la pluye eschauffent & humectent tous peuples & nations.

Mais la pluye de la doctrine celeste ne vient que sur la toison de Gedeon : le doux Soleil de l'Esprit vivifiant, est pour le champ du Seigneur. Il n'a pas fait ainsi à tous Ps.147.20 peuples & nations, & pourtant ne connoissent- elles point ses ordonnances . La communication par la Parole, est la vraye marque de la presence du Pere. Il parle, donc il est en la maison, direz-vous:encor que ie ne le voye, ie le connois à la voix . Voix qui regit, conduit, gouverne & ordonne toutes choses parmi les siens:ostez la parole,qu'est-ce de l'Eglise,que sont ce tous les rites,ordres,mysteres? La superstitiõ a voulu des images muettes, qui sont ressemblãces de la chair, qui n'a rien de semblable à Dieu. Mais la religion regarde à la parole, image de la vocation, interprete & organe de l'Esprit. Les sacremens ne nous sont rien, s'ils ne sont considerez comme paroles visibles, & tesmoignages de ce que Dieu nous presente.

Quand la predication est ostee,la lu- lumiere est eclypsee, adonc se fait la nuict de toutes parts, Tenebres d'Ignorance, d'Erreur,de Vices, de Confusions couvrent la terre. Quand Dieu ne fait pas ouïr sa voix,helas!quel triste silence!C'est bien là une des marques de son ire, quand il ne daigne plus nous parler, le peuple est dissipé Prov.29.18. , dit le Sage, lors que la Prophetie cesse . Saul cerche Dieu trop tard, & n'en peut obtenir aucune parole, car il estoit courroucé. C'est la mesme menace que Dieu fait par Esaye, & Esa. 1.15 que la souveraine sapience denonce aux prophanes contempteurs de sa vocation, C'est la punition que Prov.1.28 l'Eglise Chrestienne doit redouter; non proprement les pertes des villes, ou le changement d'Estats: mais que Dieu oste son chandelier, & transporte son royaume ailleurs : non les famines & pestilences corporelles: mais la faim de la parole de Dieu dont menaçoit Amos 8.11. Amos, & la miserable mortalité & destruction des ames, qui s'en ensuit.

Prov. 29.18. Bien-heureux au contraire est le peuple , que Dieu instruit par sa Parole, auquel il parle comme à ses enfans. Nous honorons ces anciens Peres, qui avoyent souvẽt des apparitions & communications angeliques: & qu'est cela, au prix de la voix de Dieu mesme, & du Pere qui nous parle en son Fils, comme dit S.Paul Hebr.1.1. aux Hebrieux? Combien donc devons Ps.119.43. nous prier avec David, N'arrache point de ma bouche la parole de ta verité: car ie me suis attendu à tes ordonnances .

Il parle en Pere en l'Evangile II. Disant, qu'il parle comme à ses enfans , vous entendez bien qu'il y a difference bien sensible entre les paroles roles qu'il dit, comme Maistre parlant à ses serviteurs, ou comme Seigneur à des esclaves, ou Iuge à des criminels;& celles qui sont,comme d'un Pere communiquant avec ses enfans. Lors que le peuple ouyt la loy,& ce ton maiestueux & terrible, il dit, Que Dieu ne parle plus à nous Mais lors qu'il a parlé comme à ses enfans, l'Eglise respond, Seigneur parle,tes serviteurs escoutent:David demande, Fay moi ouyr ta misericorde Ps.143.8. dés le matin,d'autant que ie me suis asseuré en toi. S.Paul considere bien ceste grande diversité,ci apres, & pour accourager les fideles à la perseverance, & les asseurer, que nonobstant leurs foiblesses ils peuvent s'approcher de Dieu, dira, Vous n'estes pas venus à la montagne de Sina fumante, &c. mais à la Sion, & Hierusalem celeste, &c .