Auteur: Du Buc, Guillaume (1604)
Titre: IIII. SERMON SVR CES paroles. Qui es és cieux.
  • Titre de recueil
  • Sermon
  • Métadonnées


IIII. SERMON SVR CES
paroles.
Qui es és cieux.


QVand nous nous mettons à prier Dieu, il
nous faut principalemẽt considerer deux
choses, tant pour auoir accés à luy, que pour
nous reposer en luy auec vne pleine & certaine
fiãce : l'vne, son amour paternel enuers nous,
& l'autre sa puissance infinie. Et pourtant le
Nom de Pere luy est attribué, afin que ne doutions
de sa benignité, & que de soy-mesme il
est enclin à nous aider. Par ce titre de Nostre
Pere Christ nous a dõné non seulement accés
à Dieu, ains aussi assez suffisãte matiere de fiãce.
Mais pource que nous nous arrestons seulement
à demi à la bonté de Dieu, par ces paroles
Qui es és cieux, qui font la troisieme partie
de ceste preface, il accroist plainement nostre
fiance.

Par ces termes il entend autant comme s'il Expositiõ de
ces Termes
Qui es és cieux
disoit, Qui es par dessus tous les cieux, comme
l'expose l'Apostre Ephes. 4. 10. c'est à dire par
dessus tous les cieux visibles en la gloire celeste.
Car l'Escripture comprend sous ce mot de
cieux en plurier nombre tout cest espace, qui
est entre la terre & les cieux : en apres toutes
ces voustes celestes, qui sont l'vne sur l'autre,
où reluisent ces flambeaux, la Lune, le Soleil &
les Estoiles, iusques au firmament, qui enclost
tout l'vniuers ; finalement la demeurance des